Tag: भगवान बुद्ध

भगवान बुद्ध महापरिनिर्वाण हुनुभएको २५६६ वर्ष पुगेको अवसरमा विश्वभर विभिन्न कार्यक्रम भइरहँदा नेपालमा पनि विविध कार्यक्रमका साथ भव्य रुपमा बुद्ध जयन्ती मनाईंदै छ ।

जन्म, बुद्धत्व र परिनिर्वाण त्रिसंयोगको दिन परेको यस बुद्ध पुर्णिमा (स्वाँया पुन्हि) को अवसर पारी सिद्र्धाथको जन्मस्थल लुम्बिनीमा एक भव्य कार्यक्रमको आयोजना हुँदैछ । यसका लागि नेपालका प्रधानमन्त्री शेरबहादुर देउवाका साथै भारतका प्रधानमन्त्री नरेन्द्र मोदी समेत लुम्बिनी पुगिसक्नु भएको छ ।

यसै अवसरमा ललितपुरको न्हाय्कंबही स्थित सुरश्चन्द्र महाविहारमा आज विहान सबेरै देखि हजारौं श्रद्धालु उपासकउपासिकाहरु लामबद्ध भई भगवान बुद्धको दर्शन र पुजा गरिरहेका छन । उक्त महाविहार यसवर्षको ललितपुरको बुद्ध जयन्ती मूल समारोह समिति हुन ।

उक्त अवसरमा यस विहारमा श्रद्धेय भिक्षु भद्दिय महास्थविरले उपस्थित उपासकउपासिकाहरुलाई धर्मदेशना गर्नुभएको थियो ।

साथै आजै मन्ध्यान्हमा भगवान बुद्धको प्रतिमालाई खतमा राखी बाजागाजासहित श्रद्धालु उपासकउपासिकाहरुका साथ ललितपुर नगरभित्र भव्य शोभायात्रा निकाल्ने तयारी भैरहेको कुरा आयोजक संस्थाले जनाएको छ ।

बुद्ध जयन्तीकै अवसर पारी आनन्दकुटी विहार, स्वयम्भू , काठमाण्डौ र हिरण्यवर्ण महाविहार, क्वाल्खु, ललितपुरमा बुद्धको अस्थिधातु पनि दर्शनका लागि राखिएका छन ।

सप्ताहब्यापीरूपमा विभिन्न कार्यक्रम गरी २५६६ औं बुद्ध जयन्ती मनाइरहेकाे ललितपुर, न्हायकंबही स्थित सुरश्चन्द्र महाविहारमा आज विहान भगवान बुद्धकाे प्रतिमालाइ बाजागाजा सहित श्रद्धालु भक्तजनहरूका साथ ललितपुरकै हिरण्यवर्ण महाविहारबाट नगर परिक्रमा गरी न्हायकंबहीमा स्वागत गरी भित्र्याइयाे ।
आयाेजकका अनुसार आजै दिउँसाे बृहत बाैद्ध सभा, साँझ मैनत्रत्ती बालेर नगर परिक्रमा गरीने छ ।