लुम्बिनी, बैशाख २७ गते ।
नेपाल सामुदायिक सिकाइ केन्द्र परियोजना, लुम्बिनीको आयोजनामा हिजो ‘अनौपचारिक शिक्षा तथा सामुदायिक सिकाइ केन्द्रको विकास’ सम्बन्धी एकदिने गोष्ठी लुम्बिनीको लंकापुरस्थित नेपाल सामुदायिक सिकाइ केन्द्र परियोजनामा सम्पन्न भएको छ ।
परियोजनाका लुम्बिनी प्रमुख भिक्षु मैत्री महास्थविरले उद्घाटन गर्नुहुँदै उक्त केन्द्रबाट विभिन्न क्षेत्र लगायत विशेष गरी ग्रामीण क्षेत्रका विपन्न वर्गहरु लाभान्वित भइरहेकोले यसलाई अझ व्यापक र विस्तार गर्दै लानुपर्नेमा जोड दिनुभयो ।
शिक्षा तथा मानव श्रोत विकास केन्द्रका निर्देशक दिनेश घिमिरेले “साक्षारता, अनौपचारिक शिक्षा, जीवन पर्यन्त शिक्षा तथा सामुदायिक सिकाइ केन्द्रको विकास, विस्तार र प्रवर्धन विषयमा छलफल गर्ने” उदेश्यले सो गोष्ठीका आयोजना गरिएको जानकारी दिनुभयो ।
सहभागीहरु मध्ये पकडी सिएलसिका सामाजिक परिचालिका भगवती पाठकले आफूकहाँ सिकाइ केन्द्रको भवन नभएका कारण स्थानीयहरुलाई केन्द्र कहाँ छ भनेर थाहा पाउन नसकेको, सामाजिक परिचालकहरुले तलव पाए नपाएको थाहा हुनुपर्ने, आफूहरुले गत साउन महिना देखि तलव नपाएको अवस्था, युनिफोर्मको व्यवस्था हुनुपर्ने, सिएलसि सक्रिय भएर कडा निगरानी राख्नु पर्ने सुझाव दिनुभयो ।
गोष्ठीको दोश्रो सत्रमा ३ वटा समूहहरु बनाई सामूहिक छलफल गरिएको थियो । जसमा समूह ‘क’ मा पालिका प्रमुख, सामाजिक शाखा प्रमुखहरु बीच सिएलसिको दीगोपनाका लागि नीति तथा कार्यक्रमबारे छलफल गरी निश्कर्षहरु प्रस्तुत गरीएको थियो । त्यस्तै समूह ‘ख’ मा शिक्षा शाखा प्रमुखहरु बीच अनौपचारिक शिक्षा तथा वैकल्पिक शिक्षामा गर्दै आएका अभ्यासहरु र भविष्यका सम्भावनाहरुबारे तथा समूह ‘ग’ मा सामुदायिक सहभागीता, चुनौती तथा नवप्रवर्तनको विषयमा छलफल गरी राय सुझावहरु प्रस्तुत गरीएको थियो ।
समूह ‘ख’ का प्रतिनिधिका रुपमा लुम्बिनी साँस्कृतिक नगरपालिकाका लक्ष्मी पराजुलीले जनप्रतिनिधिहरुलाई सिकाई केन्द्रका बारेमा कमसेकम साधारण परिचय जानकारी भएपनि हुनैपर्ने र यसका लागि उनीहरुलाई तालिम, छलफल गर्नुपर्ने राय दिनुभयो ।
त्यस्तै समूह ‘ग’ का तर्फबाट कपिलवस्तुका अरविन्द कुमारले सबै पालिकामा सिएलसि गठन गर्नुपर्ने, जसले त्यहाँ सबैको अनुभव साटासाट हुने र यसले सबैलाई फाइदा हुने बताउनुभयो ।
उक्त गोष्ठीमा मर्चवारी गाउँपलिकाका अध्यक्ष ज्ञान प्रसाद बराइ, सिकाई केन्द्रका परियोजना संयोजक दिल बहादुर श्रेष्ठ, परियोजनाका कार्यक्रम अधिकृत शुक्र राज महर्जनलगायत गोष्ठीको औचित्य र उद्देश्यबारे बोल्नु भएको थियो ।
मर्चवारी गाउँपालिकाका अध्यक्षलगायत विभिन्न पालिकाका सामाजिक शाखा प्रमुखहरु, शिक्षा शाखा प्रमुखहरुका साथै २५ वटा सामुदायिक सिकाइ केन्द्रका अध्यक्षहरु र सामाजिक परिचालकहरुको उपस्थिति रहेको थियो ।
नेपाल सामुदायिक सिकाइ केन्द्र परियोजना २०५९ सालदेखि अनौपचारिक शिक्षा राष्ट्रिय स्रोत केन्द्र र जापानको युनेस्काको महासंघ ल्बतष्यलब िँभमभचबतष्यल या ग्ल्भ्क्ऋइ ब्ककयअष्बतष्यलल ष्ल व्बउबल ९ल्ँग्ब्व्० को संयुक्त रुपमा संचालन हुँदै आएको छ ।