भक्तपुर, पुस ७
उग्रचण्डी माध्यमिक विद्यालय र काभ्रे जिल्ला बुद्धिचाल संघको संयुक्त आयोजनामा शनिवार सम्पन्न एकदिने उग्रचण्डी कप रापिड बुद्धिचाल प्रतियोगितामा श्रीकृष्ण मानन्धर प्रथम भएको छ ।
काभ्रेपलाञ्चोक जिल्लाका १८०० रेटिङ्ग मुनिको प्रथम जिल्ला स्तरीय प्रतियोगिताको ६ चरण खेलमा सबै प्रतिस्पर्धीलाई पराजित गर्दै श्रीकृष्ण प्रथम भएको हो । श्रीकृष्णले ट्रफि, नगद, मेडल र प्रमाणपत्र प्राप्त गरे ।
बनेपाको नालास्थित उग्रचण्डी वोर्डिङ्ग स्कुल प्राङ्गणमा सम्पन्न उक्त प्रतियोगितामा ६ जना खेलाडीले समान ५ अंक प्राप्त गर्दै क्रमशः श्याम मानन्धर द्वितीय, प्रेम खड्का तृतीय, शन्तलाल श्रेष्ठ चौथो, देवकृष्ण श्रेष्ठ पाँचौ, अञ्जन श्रेष्ठ छैटौं र धर्क सिं तामाङ सातौं स्थानमा रहन सफल हुँदैं पुरस्कार हात पार्न सफल बने ।
प्रसतयोगितामा काभ्रेका ७८ जना खेलाडीको सहभागीता रहेको थियो । प्रतियोगितामा विधागततर्फ यु–१२ मा आदित्य बमजन प्रथम, सगर्भ न्यौपाने द्वितीय, यु–१४ मा विनेश श्रेष्ठ प्रथम, सिदेन प्रजापति द्वितीय र यु–१६ मा आर्यन वादे प्रथम, प्रजिल मानन्धर द्वितीय बने ।
यसैगरी छात्रा तर्फ कृपा पौडेलले प्रथम स्थान हात पारे भने आरती थापाले द्वितीय स्थानमा रहेर प्रतियोगिता अन्त्य गरे । राइजिङ्ग स्टारको उपाधि आर्यस गिरिले जिते ।
काभ्रे जिल्ला बुद्धिचाल संघका अध्यक्ष एवं महासंघका पूर्व महासचिव रघुवर चौ प्रधानको सभापतित्वमा सम्पन्न कार्यक्रममा महासंघका महासचिव धरम बहादुर लामाले विजेतालाई नगद २० हजार पुरस्कार प्रदान गरे ।
पुरस्कार वितरण समारोहमा बनेपा नगरपालिका वडा नं ४ का अध्यक्ष श्याम सुन्दर श्रेष्ठ, प्रधानअध्यापक सानु रोक्का क्षेत्री (बोधिकेश), महासंघका कोषाध्यक्ष ताराबहादुर रानाभाट, सचिवालय सदस्य निरञ्जन प्रजापति, प्रमुख निर्णायक एनए प्रकाश मानन्धर लगायतको उपस्थिति रहेको थियो ।
