Category: खेलकुद

भक्तपुर, जेठ २८
फिफा विश्वकप–२०२२ तथा एसियन कप–२०२३ अन्तर्गत समूह चरणको आफ्नो अन्तिम खेलमा नेपालले आज (शुक्रबार) अष्ट्रेलियासँग प्रतिस्पर्धा गर्दैछ । कुवेतको जाबेर अल अहमद अन्तर्राष्ट्रिय स्टेडियममा खेल नेपाली समय अनुसार राती ९ः४५ बजे शुरु हुनेछ ।
फिफा वरियतामा अष्ट्रेलिया ४१ औं स्थानमा छ भने नेपाल १७१ औं स्थानमा छ । एसियाली फुटबलको पावरहाउस अष्ट्रेलियालाई पराजित गर्नु नेपालको लागि असम्भव जस्तै छ । त्यसैले नेपाली प्रशिक्षक अब्दुल्लाह अलमुताईरीले अष्ट्रेलियाविरुद्ध उत्कृष्ट फुटबल खेल्ने लक्ष्य राखेका छन । खेलको पूर्वसन्ध्यामा आयोजित पत्रकार सम्मेलनमा प्रशिक्षक अलमुताईरीले भने, ‘अर्को राम्रो खेल खेल्नुपर्ने छ । नतिजा भन्दा पनि राम्रो खेल खेल्ने लक्ष्य हुनेछ ।’

अलमुताईरीले साफ च्याम्पियनसिपका लागि युरोपेली र अफ्रिकी राष्ट्रसँग मैत्रीपूर्ण खेल खेल्ने योजना रहेको बताए । ‘जुलाईमा युरोपेली र अफ्रिकी राष्ट्रसँग मैत्रीपूर्ण खेल खेल्न कार्यक्रम छ । सेप्टेम्बरको साफ च्याम्पियनसिपको लागि हाम्रो मुख्य तयारी हो । त्यसको लागि हामी दीर्घकालीन योजना लिएर अघि बढेका छौं र सुधार पनि देखिएको छ,’ उनले भने ।
अलमुताईरीले अष्ट्रेलियाविरुद्ध युवा खेलाडीहरुलाई मौका दिने योजना बनाएका छन । ‘युवा खेलाडीलाई पनि डेब्युको अवसर हुन सक्छ । कमल, सुरज र आयुषले सिनियर टोलीबाट डेब्यु गरेका छैनन् । उनीहरुले सिनियर टोलीमा डेब्यु सुरु गर्दै आफ्नो करिअर अर्को स्तरमा लग्नु पर्छ । अष्ट्रेलियाविरुद्ध डेब्यु गर्न पाउनु सामान्य होइन, तर उनीहरुले आफूलाई यस्तै परिस्थितिमा परिक्षण गर्न जरुरि पनि छ,’ उनले भने । कमल थापा, सुरज जिउ ठकुरी र आयुष घलान पहिलो पटक राष्ट्रिय टोलीमा पर्दै डेब्युको प्रतीक्षामा छन् ।

अलमुताइरीले पछिल्लो खेलमा जोर्डनविरुद्ध रेफ्रीको निर्णयलाई लिएर पनि प्रश्न गरे । ‘जोर्डनविरुद्ध रेफ्रीको प्रदर्शन चित्तबुझ्दो थिएन । गोलरक्षकलाई रातो कार्ड दिएको भए सायद खेलको नतिजा पनि परिवर्तन हुन सक्थ्यो,’ उनले भने ।
पाँच पटक विश्वकप खेलिसकेको अष्ट्रेलियाले समूह चरणको ६ खेलमा शत प्रतिशत जितको नतिजासाथ १८ अंक जोडेको छ । नेपाललाई पराजित गरे अष्ट्रेलियाको एसियन कपमा स्थान तथा विश्वकप छनोटको अर्को चरणमा स्थान पक्का हुनेछ । यता ६ अंकसहित चौथो स्थानमा रहेको नेपाल भने विश्वकप छनोटमा अघि बढ्ने सम्भावना सकिएपनि एसियन कप छनोटको तेस्रो चरणमा प्रवेश गर्ने प्रयासमा छ ।

अष्ट्रेलियाका मुख्य प्रशिक्षक ग्राहम आर्नोल्डले नेपाली टिम मेहेनती टिम भएको बताउँदै आर्नोल्डले नेपालसँग खेल्न उत्साहित रहेको बताए । ‘उनीहरु फरक शैलीमा खेलिरहेका छन् र पछाडीबाट खेल्ने कोशिस गरिरहेका छन् । प्रशिक्षकले धेरै राम्रो काम गरिरहेका छन् र हामी नेपाललाई सम्मान गर्दछौं । नेपाल मेहनती टोली हो,’ आर्नोल्डले भने ।
नेपालले अष्ट्रेलियासँग यस अघि एक खेल खेलेको छ । जारी विश्वकप छनोट अन्तर्गत नै नेपालले २०१९ को अक्टोबर १० मा अष्ट्रेलियासँग खेलेको थियो । अष्ट्रेलियाको घरेलु मैदान क्यानबेरास्थित जीआईओ स्टेडियममा नेपाल ५–० ले पराजित भएको थियो । उक्त खेलमा अष्ट्रेलियाका जेमी म्याक्लारेनले ह्याट्रिक गरेका थिए । ह्यारी साउट्टरले एक गोल गर्दा नेपालका दिनेश राजवंशीले आत्मघाती गोल गरेका थिए ।

भक्तपुर, जेठ २५
कुवेतमा जारी विश्वकप तथा एसियन कप छनोट प्रतियोगितामा नेपाल जोर्डनसँग पराजित भएको छ । सोमवार राती सम्पन्न खेलमा जोर्डनले नेपाललाई ३–० ले पराजित गरेको हो । जोर्डनको जितका लागि बाहा फैसल सेफले खेलको २३ औं मिनेटमा पेनाल्टी मार्फत र दोस्रो हापको शुरुमा गोल गरे भने खेलको ६८ औं मिनेटमा याजान अलअरबले गोल गरेका थिए ।

जोर्डनसँग पराजित भएसँगै नेपाल एसियन कप २०२३ को छनोटको तेस्रो चरणमा सिधै प्रवेश गर्ने सम्भावना कमजोर बनेको छ । नेपालले अब शुक्रवार हुने खेलमा अष्ट्रेलियालाई पराजित गर्न सके मात्र एसियन कप २०२३ को छनोटको तेस्रो चरणमा सिधै प्रवेश गर्ने सम्भावना रहन्छ, त्यसका लागि अन्य समूहका खेलको नतिजा पनि अनुकुल हुनुपर्छ ।
जोर्डन जितसँगै समूहको दोस्रो स्थानमा उक्लेको छ । जोर्डनको ६ खेलमा १३ अंक पुगेको छ भने कुवेत समान खेलमा १० अंक सहित तेस्रो स्थानमा छ । नेपाल ६ अंकसहित चौथो स्थानमा नै छ । नेपालले अब अर्को खेलमा शुक्रबार अष्ट्रेलियाको सामना गर्नेछ । खेल नेपाली समयअनुसार रातको ९ः४५ सुरु हुनेछ ।
पहिलो हाफमा जोर्डनले बल पोसेसनमा दबाब राख्दै आक्रमण बुनेको थियो । जोर्डनको एकपछि अर्को आक्रमणमा गोलरक्षक किरण बाधक बनेका छन ।

खेलको १४ औं मिनेटमा जोर्डनका मोहमद सुलेमानले झन्डै २५ यार्ड टाढाबाट गरेको प्रहारलाई किरणले आफ्नो बायाँतर्फ डाइभ दिँदै उत्कृष्ट बचाउ गरे । २१ औं मिनेटमा पुजन उपरकोटीले पेनाल्टी क्षेत्रभित्र बल गुमाएपनि डिफेन्डर अनन्त तामाङले ६ यार्ड बक्स भित्र आएको लो क्रसलाई क्लियर गर्दै खतरा टारे ।
खेलको २३ औं मिनेटमा जोर्डनले पेनाल्टी मार्फत गोल गर्दै नेपाल विरुद्ध अग्रता बनाए । रोहित चन्दले सुलेमानलाई पेनाल्टी क्षेत्रभित्र लडाएको भन्दै रेफ्रीले पेनाल्टी दिए । बाहा फैसल सेफले पेनाल्टीमा गोल गर्दै जोर्डनलाई अग्रता दिलाएका थिए । गोलरक्षक किरणले सहि दिशामा डाइभ दिएपनि सेफको शक्तिशाली प्रहार रोक्न भने सकेनन् ।
खेलको २९ औं मिनेटमा डिफेन्डर विकास खवास घाइते हुँदै बाहिर जानु परेपछि सुनिल बल मैदान प्रवेश गरेका थिए । ३५ औं मिनेटमा सुनिल बलले पेनाल्टी क्षेत्रभित्र दिएको बललाई अन्जन विष्टले भेट्न नसक्दा नेपालले बराबरी गर्ने अवसर गुमाएको थियो ।

खेलको ४२ औं मिनेटमा जोर्डनले अग्रता दोब्बर पर्ने अवसर गुमायो । किरण चेम्जोङले पहिलो प्रहार बचाएपछि जोर्डनका खेलाडीले रिबाउन्डमा गरेको दोहोरो प्रहारले पोस्टको दिशा लिन सकेन । इन्जुरी समयमा सुलेमानले तीन डिफेन्डरलाई छक्याउँदै गरेको प्रहार पोस्टभन्दा थोरैले बाहिरिएको थियो ।
दोस्रो हाफको शुरुवातमै जोर्डनले आफ्नो अग्रता दोब्बर पा¥यो । खेलको ४९ औं मिनेटमा बाहा फाइजलले व्यक्तिगत दोस्रो गोल गर्दै जोर्डनलाई २–० को अग्रता दिलाए । उनले फ्रिकिकमा उत्कृष्ट गोल गरेका थिए । झन्डै ३५ यार्ड टाढाबाट गरेको शक्तिशाली फ्रिकिक गोलरक्षक किरणलाई बिट गर्दै टप कर्नरमा गोल भएको थियो ।
नेपालले खेलको ५८ औं मिनेटमा तीन खेलाडी परिवर्तन गरेको थियो । नवयुग श्रेष्ठ, एरिक विष्ट र विशाल राईलाई पुजन उपरकोटी, सन्तोष तामाङ र दीनेश राजवंशीको स्थानमा मैदानमा प्रवेश गराएका थिए । त्यसपछि नेपालको खेलमा केही सुधार देखिएको थियो । तर ५८ औं मिनेटमा मनिष र नवयुगले पेनाल्टी क्षेत्र बाहिर बल नियन्त्रण गर्न नसक्दा नेपालले कुनै खतरा सिर्जना गर्न सकेन ।

६८ औं मिनेटमा जोर्डनले ३–० को अग्रता लियो । छोटो फ्रिकिकमा जोर्डनले उत्कृष्ट मुभ बनाउँदै गोल गरेको थियो । दायाँ विंगबाट आएको क्रसलाई याजान अलअरबले फार पोस्टमा सहजै हेडरमार्फत गोल गरेका थिए ।

८६ औं मिनेटमा अन्जन विष्टले पेनाल्टी क्षेत्र भित्रबाट गरेको प्रहारले पोस्टको दिशा लिन सकेन । लगत्तै विशाल राईले लामो दुरीबाट गरेको प्रहार पनि बाहिरियो ।

भक्तपुर, जेठ २४
विश्वकप र एसियन कपका लागि कुवेतमा भइरहेको छनोट खेलको पहिलो हापमा नेपाल जोर्डनसँग एक गोलले पछि परेको छ । खेलको २३ औं मिनेटमा जोर्डनले पेनाल्टी मार्फत गोल गर्दै नेपाल विरुद्ध अग्रता बनाएको हो ।
रोहित चन्दले सुलेमानलाई पेनाल्टी क्षेत्रभित्र लडाएको भन्दै रेफ्रीले पेनाल्टी दिए । बाहा फैसल सेफले पेनाल्टीमा गोल गर्दै जोर्डनलाई अग्रता दिालएका थिए । गोलरक्षक किरणले सहि दिशामा डाइभ दिएपनि सेफको शक्तिशाली प्रहार रोक्न भने सकेनन् ।

पहिलो हाफमा जोर्डनले बल पोसेसनमा दबाब राख्दै आक्रमण बुनेको थियो । जोर्डनको एकपछि अर्को आक्रमणमा गोलरक्षक किरण बाधक बनेका छन ।
खेलको १४ औं मिनेटमा जोर्डनका मोहमद सुलेमानले झन्डै २५ यार्ड टाढाबाट गरेको प्रहारलाई किरणले आफ्नो बायाँतर्फ डाइभ दिँदै उत्कृष्ट बचाउ गरे । २१ औं मिनेटमा पुजन उपरकोटीले पेनाल्टी क्षेत्रभित्र बल गुमाएपनि डिफेन्डर अनन्त तामाङले ६ यार्ड बक्स भित्र आएको लो क्रसलाई क्लियर गर्दै खतरा टारे ।

खेलको २९ औं मिनेटमा डिफेन्डर विकास खवास घाइते हुँदै बाहिर जानु परेपछि सुनिल बल मैदान प्रवेश गरेका थिए । ३५ औं मिनेटमा सुनिल बलले पेनाल्टी क्षेत्रभित्र दिएको बललाई अन्जन विष्टले भेट्न नसक्दा नेपालले बराबरी गर्ने अवसर गुमाएको थियो ।

खेलको ४२ औं मिनेटमा जोर्डनले अग्रता दोब्बर पर्ने अवसर गुमायो । किरण चेम्जोङले पहिलो प्रहार बचाएपछि जोर्डनका खेलाडीले रिबाउन्डमा गरेको दोहोरो प्रहारले पोस्टको दिशा लिन सकेन । इन्जुरी समयमा सुलेमानले तीन डिफेन्डरलाई छक्याउँदै गरेको प्रहार पोस्टभन्दा थोरैले बाहिरिएको थियो ।

भक्तपुर, जेठ २४
प्रशिक्षक अब्दुल्लाह अलमुताइरीले चाईनिज ताईपेई विरुद्धको टोलीमा तीन परिवर्तन गर्दै जोर्डन विरुद्धको शुरुवाती ११ खेलाडीको घोषणा गरेको छ । प्रशिक्षक अब्दुल्लाह अलमुताइरीले सुनिल बल, आशिष लामा र गौतम श्रेष्ठको स्थानमा अभिषेक रिजाल, दीनेश राजवंशी र विकास खवासलाई जोर्डन विरुद्ध शुरुवाती ११ मा समावेश गरेको हो ।
गोलरक्षकमा कप्तान किरण चेम्जोङले नै निरन्तरता पाएका छन् । डिफेन्समा अनन्त तामाङ र रोहित चन्द छन् । विंगब्याकमा विकास खवास र दिनेश राजवंशी रहेका छन् । सुमन अर्यालले मिडफिल्डमा स्थान बनाएपनि रक्षात्मक रुपमा उनले साथ दिनेछन् ।
पुजन उपरकोटी र सन्तोष तामाङले सेन्टर मिडफिल्ड सम्हाल्नेछन् । आक्रमणमा सुमन लामा, अभिषेक रिजाल र अन्जन विष्ट छन ।

भक्तपुर, जेठ २४
आगामी वर्ष कतारमा हुने फिफा विश्वकप फुटबल तथा एसियन कप २०२३ को छनोट अन्तर्गत नेपाली राष्ट्रिय फुटबल टोलीले आज राती पौने दश बजे जोर्डनको सामना गर्दैछ ।
दुवै टोलीको लागि आजको खेल निक्कै महत्वपूर्ण रहेको छ । नेपालको लागि कम्तीमा एसियन कप छनोटको तेस्रो चरणमा सिधै प्रवेशको सम्भावना जिवित राख्न आजको खेल जित्नै पर्ने दवाब रहेको छ भने जोर्डनको लागि विश्वकप छनोटको अघिल्लो चरण प्रवेशको सम्भावना कायम राख्न खेल जित्नै पर्ने दवाब रहेको छ । यस्तोमा दुवै टोलीले सम्हालिएर खेल्ने जनाएको छ ।

समूहमा अष्ट्रेलियाको ५ खेलमा १५ अंक छ । दोस्रो स्थानमा कुवेतले ६ खेलमा १० तथा जोर्डनले ५ खेलमा १० अंक जोडेको छ । नेपालको ६ अंक हुँदा ताइपेइ अंकविहिन छ । जोर्डनले आजको खेलमा जित हासिल गरे समूहमा स्पष्ट तीन अंकको अग्रतासहित दोस्रो स्थानमा उक्लने छ । आज नै हुने अर्को खेलमा अष्ट्रेलिया र चाइनिज ताइपेइ भिड्दैछन् । अष्ट्रेलियाले यो खेल जितेपछि समूहमा शीर्ष स्थान पक्का गर्नेछ ।
नेपाल र जोर्डन चौथो पटक आमनेसामने हुन लागेको हो । यसअघि तीन पटक यी दुई टोली एकआपसमा भिडिसकेको छ । यस्तोमा दुई खेल जोर्डनले जितेको छ भने एक खेल बराबरीमा रोकिएको छ ।

नेपाल र जोर्डन पहिलो पटक सन् २०१२ को विश्वकप छनोटमा भेट भएको थियो । दुई लेगको छनोट खेलमा नेपाल पहिलो खेलमा जोर्डनसँग पराजित भएको थियो । जोर्डनको घरेलु मैदानमा भएको सो खेलमा नेपाल ९–० गोल अन्तरले पराजित भएको थियो । लगत्तै नेपालमा भएको दोस्रो खेल बराबरीमा सम्पन्न भएको थियो । दशरथ रंगशालामा भएको खेल १–१ को बराबरी भएको थियो ।
नेपाल र जोर्डनबीच तेस्रो भेट यही छनोटमा भएको थियो । जोर्डनमा सम्पन्न खेलमा नेपाल ३–० ले पराजित भएको थियो ।
नेपाल जोर्डनसँग जितको लक्ष्यका साथ मैदानमा उत्रने बताएका छन । प्रशिक्षक अब्दुल्लाह अलमुताइरीले जोर्डन नेपालभन्दा बलियो टोली भएपनि जितको लक्ष्यसाथ नै उत्रने बताए । ‘कतिपय संचारमाध्यममा जोर्डन निकै बलियो रहेको र नेपालको कुनै सम्भावना नरहेको भन्ने देखेको छु । तर फुटबलमा त्यसो हुँदैन । हामीले उत्तर म्यासेडोनियाले जर्मनीलाई पराजित गरेको देखेका छौं,’ उनले भने, ‘जोर्डन बलियो टोली हो । हामीले उक्त खेलका लागि आफ्नो तर्फबाट मिहिनेत गरिरहेका छौं ।’

‘दुवै टोलीका लागि खेल गोलरहित बराबरीमा सुरु हुने हो । मैदानमा गरेको प्रदर्शन अनुसार नै नतिजा आउँछ । हामी खेलको हरेक मिनेट राम्रो प्रदर्शन गर्न लागिरहेका छौं । सुरुवातदेखि नै हाम्रो लक्ष्य जित हासिल गर्नु नै हुनेछ,’ उनले भने,’ एसियन कपमा छनोट हुने हाम्रो लक्ष्य हो । त्यसका लागि यो खेलमा जित आवश्यक छ ।’
प्रशिक्षक अलमुताइरीले खेलमा नतिजा हासिल गर्न खेलाडीको मानसिकता कस्तो छ भन्ने निकै महत्वपूर्ण हुने बताए । ‘खेलाडीहरु उच्च मनोबलका साथ खेलिरहेका छन् । ग्रिसले सन् २००४ मा युरो जित्दा कसले सोचेको थियो र ? हामीले नतिजाका लागि भन्दापनि उच्च प्रदर्शन गर्ने लक्ष्य लिएर खेल्ने हो । मिहिनेत अनुसार हामीले नतिजा हासिल गर्ने नै छौं,’ उनले भने ।

भक्तपुर, जेठ २१

अर्को वर्ष कतारमा हुने फिफा विश्वकप फुटबल २०२२ र एसियन कप २०२३ को छनोट अन्तर्गत समूह चरणको आफ्नो छैंटौं खेलमा नेपालले चाईनिज ताईपेईलाई पराजित गरेको छ । कुवेतमा बिहिवार राती सम्पन्न खेलमा नेपालले अञ्जन बिष्ट र नवयुग श्रेष्ठको गोलमा ताईपेईलाई २–० गोल अन्तरले पराजित गरेको हो ।
अञ्जनले खेलको ४ औं मिनेटमा पेनाल्टीमा गोल गर्दै नेपाललाई अग्रता दिलाएका थिए । सन्तोष तामाङको फ्रिकिकमा विपक्षी खेलाडीले पेनाल्टी क्षेत्रभित्र ह्यान्ड गरेपछि नेपालले खेलको तेस्रो पेनाल्टी पाएको थियो । अन्जनले सो पेनाल्टी प्रहारमा कुनै गल्ती नगरी नेपाललाई अग्रता दिलाएका हुन ।
त्यस्तै वैकल्पिक खेलाडीको रुपमा दोस्रो हाफपछि मैदान प्रवेश गरेका नवयुगले खेलको ८१ औं मिनेटमा उत्कृष्ट फ्लिक किक मार्फत गोल गर्दै नेपालको अग्रता दोब्बर पारेका थिए । ताईपेईको पेनाल्टी क्षेत्रमा रहेका नवयुगले सुमन अर्यालको क्रसमा कुनै गल्ती नगरी फ्लिक किकमा बललाई जाली चुमाएका थिए ।
नेपालले जितसँगै महत्वपूर्ण ३ अंक बटुलेको छ । समूह चरणमा नेपालको यो दोस्रो जित हो । यसअघि नेपाललाई ताईपेईलाई उसैको घरेलु मैदानमा २–० ले पराजित गरेको थियो । उक्त दुवै गोल अञ्जन बिष्टले नै गरेका थिए ।
फोटो सौजन्य ः एन्फा

भक्तपुर, जेठ २०

फिफा विश्वकप २०२२ तथा एसियन कप २०२३ को छनोट अन्तर्गत समूह चरणको छैटौं खेलमा अन्जन बिष्ट र नवयुग श्रेष्ठको गोल मद्दतले नेपालले विश्वकप छनोट अन्तर्गत चाईनिज ताईपेई विरुद्ध २–० गोल अन्तरले पराजित गरेको छ । बिहिवार राती कुवेतमा सम्पन्न खेलमा नेपाललाई जिताउन अन्जनले पेनाल्टीमार्फत खेलको ४ औं मिनेटमा र नवयुगले खेलको ८१ औं मिनेटमा गोल गरेका थिए ।
सन्तोष तामाङको फ्रिकिकमा विपक्षी खेलाडीले पेनाल्टी  क्षेत्रभित्र ह्यान्ड गरेपछि  नेपालले खेलको तेस्रो पेनाल्टी पाएको थियो । अन्जनले सो पेनाल्टी प्रहारमा कुनै गल्ती नगरी नेपाललाई अग्रता दिलाएका हुन ।
खेलको ११ औं मिनेटमा ताइपेइले खेलमा फर्कने अवसर पाएको थियो । लामो फ्रिकिकमा ६ यार्ड बक्स भित्रबाट वु चुन चिङले प्रहार गरेको हेडबललाई कप्तान किरण चेम्जोङले सहजै बचाए । १६ औं मिनेटमा सन्तोषको लामो पासलाई सुनिल बलले ताईपेईको गोल पोष्टको दिशा दिएपनि गोलरक्षक शिह शिनले अगाडी आएर बचाए ।
सुनिलले २२ औं मिनेटमा झन्डै ३० यार्ड टाढाबाट गरेको प्रहार सटिक बन्न सकेन । २४ औं मिनेटमा अन्जनले लेफ्ट विंगमा दुई डिफेन्सलाई बिट गर्दै पेनाल्टी क्षेत्रको ठिक भित्रबाट गरेको प्रहार गोलरक्षक शिनले बचाए । ३२ औं मिनेटमा कर्नरमा आएको रिबाउन्डलाई सुनिलले पेनाल्टी क्षेत्र बाहिरबाट गरेको प्रहारले पोस्टको दिशा लिन सकेन ।
पहिलो हाफमा नेपालले बल पोसेसनमा पकड जमाउँदै आक्रमण बुन्ने प्रयास गरेको थियो । ताईपेईले पनि काउन्टर अट्याकमा आक्रमण बुन्दै नेपाली डिफेन्सलाई सहज अवस्था दिएको छैन ।
नेपालले मध्यान्तरमा पहिलो परिवर्तन गरेका थियो । सुनिल बलको स्थानमा मनिष डाँगी मैदान प्रवेश गरेका थिए । खेलको ८१ औं मिनेटमा नवयुगको गोलले चाईनिज ताईवेई विरुद्ध नेपालको अग्रता दोब्बर बनाए । वैकल्पिक खेलाडीको रुपमा मैदान प्रवेश गरेका नवयुगले सुमन अर्यालको क्रसमा उत्कृष्ट फ्लिक किक प्रहार गर्दै गोल गरेका हुन । खेलमा आक्रमक खेल पस्केको थियो ।

भक्तपुर, जेठ २०

नवयुग श्रेष्ठले खेलको ८१ औं मिनेटमा गोल गर्दै चाईनिज ताईवेई विरुद्ध नेपालको अग्रता दोब्बर बनाएका छन । वैकल्पिक खेलाडीकोरुपमा मैदान प्रवेश गरेका नवयुगले उत्कृष्ट फ्लिक किक प्रहार गर्दै गोल गरेका हुन । यो गोलसँगै नेपालले २–० ले अगाडि बढेको छ ।
यसअघि खेलको ४ औं मिनेटमा अन्जन बिष्टले पेनाल्टीमा गोल गर्दै नेपाललाई अग्रता दिलाएका थिए ।

भक्तपुर, जेठ २०

नेपालले चाइनिज ताइपेइविरुद्ध पहिलो हाफमा १–० को अग्रता लिएको छ । अन्जन विष्टले चौथो मिनेटमा पेनाल्टीमा गरेको गोल मद्दतले नेपालले अग्रता बनाएको हो । सन्तोष तामाङको फ्रिकिकमा विपक्षी खेलाडीले पेनाल्टी क्षेत्रभित्र ह्यान्ड गरेपछि नेपालले पेनाल्टी पाएको थियो । अन्जनले सो पेनाल्टी प्रहारमा कुनै गल्ती नगरी नेपाललाई अग्रता दिलाएका हुन ।
खेलको ११ औं मिनेटमा ताइपेइले खेलमा फर्कने अवसर पाएको थियो । लामो फ्रिकिकमा ६ यार्ड बक्स भित्रबाट वु चुन चिङले प्रहार गरेको हेडबललाई कप्तान किरण चेम्जोङले सहजै बचाए । १६ औं मिनेटमा सन्तोषको लामो पासलाई सुनिल बलले ताईपेईको गोल पोष्टको दिशा दिएपनि गोलरक्षक शिह शिनले अगाडी आएर बचाए ।
सुनिलले २२ औं मिनेटमा झन्डै ३० यार्ड टाढाबाट गरेको प्रहार सटिक बन्न सकेन । २४ औं मिनेटमा अन्जनले लेफ्ट विंगमा दुई डिफेन्सलाई बिट गर्दै पेनाल्टी क्षेत्रको ठिक भित्रबाट गरेको प्रहार गोलरक्षक शिनले बचाए । ३२ औं मिनेटमा कर्नरमा आएको रिबाउन्डलाई सुनिलले पेनाल्टी क्षेत्र बाहिरबाट गरेको प्रहारले पोस्टको दिशा लिन सकेन ।
पहिलो हाफमा नेपालले बल पोसेसनमा पकड जमाउँदै आक्रमण बुन्ने प्रयास गरेको थियो । ताईपेईले पनि काउन्टर अट्याकमा आक्रमण बुन्दै नेपाली डिफेन्सलाई सहज अवस्था दिएको छैन ।
नेपालले मध्यान्तरमा पहिलो परिवर्तन गरेका छन । सुनिल बलको स्थानमा मनिष डाँगी मैदान प्रवेश गरेका छन ।

भक्तपुर, जेठ २०

विश्वकप फुटबल छनोट खेल अन्तर्गत नेपालले चाइनिज ताईपेईविरुद्ध चौथो मिनेटमा अग्रता लिएको छ । नेपालले अन्जन बिष्टको गोलमा अग्रता लिएको हो । अन्जनले पेनाल्टीमा गोल गर्दै नेपाललाई अग्रता दिलाएका हुन ।
नेपालले खेलको तेस्रो मिनेटमा नै पेनाल्टी प्राप्त गरेको थियो । सन्तोष तामाङको फ्रिकिकमा विपक्षी खेलाडीले पेनाल्टी क्षेत्रभित्र ह्यान्ड गरेपछि नेपालले पेनाल्टी पाएको थियो । नेपालले अहिले आक्रमक फुटबल खेलीरहेको छ ।