Category: खेलकुद

भक्तपुर, असार १३
इटाली अष्ट्रियालाई पराजित गर्दै युरोकप फुटबलको क्वाटरफाइनलमा प्रवेश गरेको छ । इंग्ल्यान्डको लन्डनस्थित वेम्बली स्टेडियममा शनिवार राती सम्पन्न खेलमा इटाली अष्ट्रियाविरुद्ध संघर्षपूर्ण २–१ ले पराजित गर्दै क्वाटरफाइनलमा प्रवेश गरेको हो ।
निर्धारित समयमा गोलरहित बराबरीमा सकिएको खेलमा तीनै गोल अतिरिक्त समयमा सम्भव भएको थियो । इटालीलाई जित दिलाउन वैकल्पिक खेलाडीको रुपमा मैदान प्रवेश गरेका फेडेरिको किएजाले दुवै गोल गरे ।

अतिरिक्त समयको ९५ औं मिनेटमा फेडेरिको किएजाले इटालीलाई अग्रता दिलाए । किएजाले स्पिनाजोलाको चिप पासमा ६ यार्ड बक्स क्षेत्रभित्र राम्रो बल नियन्त्रण गर्दै तेस्रो टचमा गोल गर्दै इटालीलाई अघि बढाए । किएजाले नै खेलको १०४ औं मिनेटमा दोस्रो गोल गर्दै इटालीको अग्रता दोब्बर पारे । लोरेन्जो इन्सिग्नेले प्रहार गरेको फ्रिकिकलाई ब्याकमानले उत्कृष्ट डाइभ दिँदै विफल पारेका थिए । तर त्यस बचाउपछि आएको कर्नरबाट बनेको मुभमा किउजाले गा्ल गर्दै इटालीलाई जितको नजिक पुर्याएका थिए ।
खेलको ११५ औं मिनेटमा अष्ट्रियाले गोल फर्काउँदैं खेलमा फर्कने संकेत गरे । स्वाउबको कर्नरमा वैकल्पिक फरवार्ड सासा कालाज्डिचले गोल गर्दै अष्ट्रियालाई खेलमा फर्किने आशा जगाए । उनले कर्नरमा आएको बललाई निअर पोस्टमा डाइभिङ हेडर गर्दै गोल गरेका थिए ।

सासाको गोलसँगै लगातार ११ खेलमा गोल नखाएको इटालीको किर्तिमान भंग भएको छ । खेलमा त्यसपछि कुनै गोल हुन सकेन र खेल इटालीले २–१ ले जित्यो । खेलको शुरुवातदेखि नै इटालीले बल पोसेसनमा पकड जमाएको थियो । खेलको दोस्रो हाफमा अष्ट्रियाले गोल गरेपनि भीएआरले मान्यता नदिँदा खेल अतिरिक्त समयमा लम्बिएको थियो । इटालीका फरवार्डले अपेक्षित प्रदर्शन गर्न नसक्दा अष्ट्रियाको रक्षात्मक रणनीति सफल भएको थियो । पहिलो हाफमा अष्ट्रियाले निकै कम गोलको अवसर पाएको थियो ।
इटालीले अब क्वाटरफाइनलमा आइतबार हुने बेल्जियम र पोर्चुगलबीच खेलको विजेतासँग खेल्नेछ । उक्त क्वाटरफाइनल खेल २ जुलाईमा म्युनिखमा हुनेछ ।

भक्तपुर, असार १२
डेनमार्क युरोकप २०२० को क्वाटरफाइनलमा प्रवेश गरेको छ । डेनमार्क शनिवार राती भएको प्रिक्वाटरफाइनलको पहिलो खेलमा वेल्सलाई ३–० ले पराजित गर्दै क्वाटरफाइनलमा प्रवेश गरेको हो ।
आम्र्सटरडमको जोहान क्रुफ एरिनामा भएको खेलमा जित दिाउँदैं डेनमार्कलाई क्वाटरफाइनलमा पु¥याउन कास्पर डोलबर्गले २ र माहेल र व्रेथवेटले एक एक गोल गरे ।
डेनमार्कले डोलबर्गको गोलले अग्रता लिएको थियो । डोलबर्गले खेलको २७ औं मिनेटमा गोल गरेका थिए । उनले विंगर मिकेल डाम्सगार्डले दिएको पासलाई पेनाल्टी क्षेत्र बाहिर सशक्त प्रहार गर्दै गोल गरेका थिए ।
यसअघि आठौं मिनेटमा नै डोलबर्गले डेनमार्कलाई अग्रता दिलाउन चुकेका थिए । लगत्तै कप्तान ग्यारेथ बेलको प्रहार थोरैले बाहिरिंदा वेल्सले अग्रता लिन चुकेको थियो । चोटका कारण नियमित फरवार्ड युसुफ पाउल्सेनले खेल गुमाएपछि मौका पाएका डोलबर्गले खेलको ३२ औं मिनेटमा गरेको प्रहार गोलरक्षक वार्डले विफल पारेका थिए ।

दोस्रो हापको शुरुवातमा नै डेनमार्कले अग्रता दोब्बर पारे । खेलको ४८ औं मिनेटमा ब्रेथवेटले व्यक्तिगत दोस्रो गोल गर्दै डेनमार्कलाई पनि २–० ले अघि बढाए । उनले वेल्सका नेको विलियम्सको खराब क्लिअरेन्सलाई ६ यार्ड बक्सबाट सहजै गोलरक्षक वार्डलाई बिट गर्दै गोल गरे ।
खेलको ८७ औं मिनेटमा माहेलले गोल गर्दै डेनमार्कलाई जिततर्फ दो¥याए । वैकल्पिक खेलाडी माथिअस जेन्सनले दिएको सुन्दर पासलाई माहेलले पेनाल्टी क्षेत्रभित्र नियन्त्रणमा लिँदै गोल गरेका थिए ।
खेलको ९० औं मिनेटमा वेल्स १० खेलाडीमा सिमित भयो । माहेलमाथि खराब ट्याकल गरेपछि रेफ्रीले वेल्सका खेलाडी ह्यारी विल्सनलाई सिधै रातो कार्ड देखाएका थिए ।
डेनमार्कका लागि खेलको इन्ज्युरी समयको चौंथो मिनेटमा व्रेथवेटले गोल गर्दै ४–० को प्रभावशाली जित दिलाए । उनको गोललाई रेफ्रीले अफसाइड दिएपनि भीएआर रिभ्युबाट गोलले मान्यता पाएको थियो ।
डेनमार्कले अब क्वाटरफाइनलमा चेक रिपब्लिक र नेदरल्यान्ड्सको विजेतासँग खेल्नेछ ।

भक्तपुर, असार १२
युरोकप २०२० को नकआउट चरणको पहिलो खेलमा डेनमार्कले अग्रता लिएको छ । आम्र्सटरडमको जोहान क्रुफ एरिनामा भइरहेको खेलमा डेनमार्कले पहिलो हापमा वेल्सलाई १–० ले पछि पारेको हो ।
डेनमार्कले फरवार्ड कास्पर डोलबर्गको दर्शनीय गोलमा अग्रता लिएको हो । डोलबर्गले खेलको २७ औं मिनेटमा गोल गरेका थिए । उनले विंगर मिकेल डाम्सगार्डले दिएको पासलाई पेनाल्टी क्षेत्र बाहिर सशक्त प्रहार गर्दै गोल गरेका थिए ।

यसअघि आठौं मिनेटमा नै डोलबर्गले डेनमार्कलाई अग्रता दिलाउन चुकेका थिए । लगत्तै कप्तान ग्यारेथ बेलको प्रहार थोरैले बाहिरिंदा वेल्सले अग्रता लिन चुकेको थियो । चोटका कारण नियमित फरवार्ड युसुफ पाउल्सेनले खेल गुमाएपछि मौका पाएका डोलबर्गले खेलको ३२ औं मिनेटमा गरेको प्रहार गोलरक्षक वार्डले विफल पारेका थिए । यस खेलको विजेताले क्वाटरफाइनलमा चेक रिपब्लिक र नेदरल्यान्ड्सको विजेतासँग खेल्नेछ ।

भक्तपुर, असार १२
युरोपको विभिन्न ११ शहरमा जारी १६ औं संस्करणको युरोकप २०२० फुटबलको प्रिक्वाटरफाइनल अर्थात नकआउट चरणका खेलहरु आज (शनिबार)बाट सुरु हुँदैछ ।
नकआउट चरणको पहिलो खेलमा शनिवार डेनमार्क र वेल्सबीच हुँदैंछ । आम्र्सटरडमको जोहान क्रुफ एरिनामा हुने यो खेल नेपाली समय अनुसार राती ९ः४५ बजे हुनेछ । डेनमार्क समूह बी को उपविजेताको रुपमा अन्तिम १६ मा प्रवेश गरेको हो भने वेल्स समूह ए को उपविजेता रुपमा प्रिक्वाटरफाइनल प्रवेश गरेको हो ।
समूह चरणमा डेनमार्क पहिलो खेलमा फिनल्याण्डसँग १–० ले पराजित भएको थियो । त्यस्तै दोस्रो खेलमा बेल्जियमसँग २–१ ले पराजित भएको डेनमार्क अन्तिम खेलमा रुसलाई ४–१ गोल अन्तरले पराजित ३ अंकका साथ समूह उपविजेता बनेको थियो ।
त्यस्तै वेल्सले समूह ‘ए’ मा ३ खेलमा ४ अंक जोड्दै उपविजेताको रुपमा नकआउट चरणमा पुगेको हो । समूह चरणको पहिलो खेलमा स्विट्जरल्यान्डसँग १–१ गोलको बराबरी खेलेको वेल्सले दोस्रो खेलमा टर्कीलाई २–० गोल अन्तरले पराजित गरेको थियो भने तेस्रो खेलमा इटालीसँग १–० ले पराजित भएको थियो ।
डेनमार्क र वेल्सबीच १० पटक प्रतिस्पर्धा भएको छ । जसमा डेनमार्क ६ पटक विजयी हुँदा वेल्सले ४ खेल जितेको छ ।

त्यस्तै शनिवार हुने दोस्रो खेलमा इटालीले अष्ट्रियाको सामना गर्दैछ । इंग्ल्यान्डको लन्डनस्थित वेम्बली स्टेडियममा हुने सो खेल राती १२ः४५ बजे सुरु हुनेछ । इटाली समूह ‘ए’ को विजेता बन्दै नकआउट चरणमा पुगेको हो । इटालीले समूह चरणमा टर्कीलाई ३–०, स्विट्जरल्यान्डलाई ३–० र ३ वेल्सलाई १–० ले पराजित गर्दै ३ खेलमा ९ अंक जोडेको थियो ।
त्यस्तै अष्ट्रिया समूह चरण ३ खेलबाट ६ अंक बटुल्दै समूह ‘सी’ को उपविजेता बन्दै नकआउट चरणमा पुगेको हो । अष्ट्रियाले पहिलो खेलमा नर्थ म्यासेडोनियालाई ३–१ र तेस्रो खेलमा युक्रेनलाई १–० पराजित गरेको थियो भने दोस्रो खेलमा नेदरल्यान्ड्ससँग २–० ले पराजित भएको थियो । इटाली र अष्ट्रियाबीच अहिलेसम्म १३ पटक प्रतिस्पर्धा भएकोमा १० मा इटाली विजयी भएको छ भने ३ खेल बराबरीमा टुंगिएको छ ।

भक्तपुर, असार १०
युरोकप २०२० मा बुधवार रातीको समूह चरणका खेलहरु सकिएसँगै प्रिक्वाटर फाइनलमा अर्थात नकआउट पुग्ने टोलीहरुको छिनोफानो भएको छ ।
युरोको नकआउट चरणमा १६ टिमले स्थान बनाएका छन् । ६ समूहको शीर्ष दुई र समूहको तेस्रो स्थानमा प्राप्त गर्ने मध्येको उत्कृष्ट चार टिमले अन्तिम १६ को यात्रा तय गरेका हुन् ।
यसपटक युरोकपको नकआउट चरणमा पुग्ने टोलीहरुमा समूह ए बाट समूह विजेताको रुपमा इटाली, उपविजेता वेल्ससँगै उत्कृष्ट तेस्रो टोलीको रुपमा स्विटजरल्यान्ड पुगेका छन । समूह बी बाट बेल्जियम समूह विजेताको रुपमा अन्तिम १६ मा पुगेको छ भने समान ३ अंक भएपनि डेनमार्क रसिया र फिन्ल्यान्डलाई पछि पार्दै नकआउटमा प्रवेश गरे ।
समूह सी बाट तीन टोली अन्तिम १६ मा प्रवेश गरे । यस समूहमा शतप्रतिशत जितका साथ नेदरल्यान्ड्स समूह विजेता बन्दै नकआउटमा प्रवेश गरे । नर्थ म्यासेडोनिया र युक्रेनलाई पराजित गरेको अष्ट्रिया समूह उपविजेता भन्दै नकआउटमा प्रवेश गर्दा युक्रेन पनि भाग्यमानी सावित भए । उ पनि उत्कृष्ट तेस्रो टोलीको रुपमा प्रिक्वाटर फाइनल प्रवेश गरे ।
समूह डी बाट पनि तीन टोली नकआउटमा प्रवेश गरे । यस समूहबाट इंग्ल्यान्ड समूह विजेता, क्रोएसिया उपविजेता र चेक रिपब्लिक उत्कृष्ट तेस्रो टोलीको रुपमा नकआउट प्रवेश गरेका हुन ।

समूह ई स्वीडेन समूह विजेता बन्यो । उसँगै स्पेन उपविजेता बन्दै नकआउटमा स्थान बनाए । त्यस्तै समूह एफबाट विश्व विजेता फ्रान्स समूह विजेता बन्दै नकआउटमा प्रवेश गरे भने युरोकपको साविक विजेता पोर्चुगल अन्तिम खेलमा फ्रान्ससँग बराबरी खेल्दै उत्कृष्ट तेस्रो टोलीको रुपमा अन्तिम १६ मा प्रवेश गरे । यस समूहबाट जर्मनी उपविजेताहुँदै नकआउटमा पुगे ।

प्रिक्वाटर फाइनल अन्तर्गत नकआउट चरणका खेल २६ जुनबाट हुनेछन् । नकआउट चरणको पहिलो खेलमा वेल्स र डेनमार्क भिड्दै छन् । खेल आम्स्टरडममा नेपाली समयअनुसार राती ९ः४५ बजे हुनेछ । त्यस्तै राती १२ः४५ बजे इटालीले लन्डनमा अष्ट्रियाको सामना गर्नेछ ।
जुन २७ आइतवार राती ९ः४५ बजे बुडापेस्टमा हुने खेलमा नेदरल्यान्ड्सले चेक रिपब्लिकसँग भिड्ने छन । सोही दिन राती १२ः४५ बजे सेभियामा बेल्जियमले पोर्चुगलको सामना गर्नेछ ।
क्रोएसियाले स्पेनलाई प्रतिद्धन्द्धी पाएको छ । यी दुईबीचको खेल जुन २८ सोमवार राती ९ः४५ बजे कोपेनहेगनमा हुनेछ । त्यसैगरी सोही दिन राती १२ः४५ बजे बुकारेस्टमा फ्रान्स र स्विट्जरल्यान्डबीच प्रतिष्पर्धा हुने छ ।
प्रिक्वाटर फाइनलमा इंग्ल्यान्डले जर्मनीको सामना गर्नेछ । खेल जुन २९ मंगलवार राती ९ः४५ बजे लन्डनमा हुनेछ । त्यस्तै प्रिक्वाटर फाइनलको अन्तिम खेल स्वीडेन र युक्रेनबीच जुन २९ मा राती १२ः४५ बजे ग्लास्गोमा हुनेछ । क्वाटर फाइनलका खेलहरु जुलाई २ तारिखदेखी शुरु हुनेछ ।

भक्तपुर, असार १०
युरोकप २०२० अन्तर्गत समूह ई को अीनतम खेलमा स्पेन स्लोभाकियालाई ५–० हो फराकिलो जित निकाल्दै प्रिक्वाटर फाइनल अर्थात अन्तिम १६ मा प्रवेश गरेको छ । यसै समूहको अर्को खेलमा स्वीडेन पोल्यान्डलाई ३–२ ले पराजित गर्दै समूह विजेताको रुपमा अन्तिम १६ मा प्रवेश गरेको हो ।

नकआउटमा प्रवेश गर्न जित्नै पर्ने दवाबमा रहेको स्पेनले स्लोभाकियाविरुद्ध गोलरक्षक मार्टिन डुब्राभ्काको आत्मघाती गोलबाट अग्रता लिए । खेलको ३० औं मिनेटमा डिफेन्सले मिसपास गरेको बलमा पाब्लो सराबियाले गरेको प्रहार क्रसबारमा लागेर फर्कियो । उक्त रिबाउन्डलाई बाहिर पठाउने प्रयासमा डुब्राभ्काले सिधै पोस्टभित्र बल प्रहार गरेका थिए ।
यसअघि खेलको १२ औं मिनेटमा अल्भारो मोराटाले पेनाल्टीमा गोल गर्न नसक्दा स्पेन अग्रता लिनबाट चुकेको थियो । मोराटाले गरेको पेनाल्टी प्रहारलाई गोलरक्षक डुब्राभ्काले विफल पारेका थिए ।
पहिलो हाफको इन्ज्युरी समयमा स्पेनले अग्रता दोब्बर पार्यो । डिफेन्डर एमेरिक लापोर्टले गोल गर्दै स्पेनलाई २–० ले अघि बढाएका थिए । स्लोभाकियाको डिफेन्सले कर्नरमा राम्रो क्लिअरेन्स गर्न नसक्दा जेरार्ड मोरेनोले दिएको क्रसलाई लापोर्टले हेडरमार्फत गोल गरेका थिए ।

दोस्रो हाफमा थप आक्रामक देखिएको स्पेनले ५६ औं मिनेटमा तेस्रो गोल गरे । पाब्लो सराबियाले पेनाल्टी क्षेत्र भित्रबाट सुन्दर फिनिसिङमा गोल गर्दै स्पेनलाई ३–० को अग्रता दिलाएका थिए । उनले जोर्डी अल्बाले बायाँ विंगबाट दिएको लो क्रसलाई फार पोस्टमा गोल गरेका थिए ।
फेरान टोरेसले खेलको ६७ औं मिनेटमा गोल गर्दै स्पेनलाई ४–० को अग्रता दिलाए । वैकल्पिक खेलाडीका रुपमा मैदान प्रवेश गरेका टोरेसले कर्नरबाट बनेको कोके, सराबिया र पेड्रीले बनाएको आकर्षक मुभमा गोल गरेका थिए ।
खेलको ७१ औं मिनेटमा स्पेनले फेरी आत्मघाती गोल उपहार पाए । जुराज कुच्काले आत्मघाती गोल गरेपछि स्पेन ५–० ले अघि बढ्यो । पाउ टोरेसको प्रहारलाई गोलरक्षक डुब्राभ्काले बचाउने प्रयास गरेपनि त्यसपछि आएको बललाई कुच्काले क्लियर गर्न खोज्दा आफ्नै पोस्टमा गोल गर्न पुगेका थिए ।
यस जितसँगै स्पेनले ३ खेलमा ५ अंक जोड्दै समूहमा दोस्रो हुँदैं अन्तिम १६ को यात्रा तय गरेको छ । अर्को खेलमा स्वीडेनले पोल्यान्डलाई ३–२ ले पराजित गरेपछि स्पेन समूह उपविजेता बन्दै नकआउट चरणमा पुगेको हो । स्वीडेन भने ३ खेलमा ७ अंकका साथ समूह विजेता बन्यो । यस समूहमा स्लोभाकिया ३ खेलमा ३ अंक जोड्दै तेस्रो स्थानमा छ । पोल्यान्ड भने १ अंकसहित पुछारमा रहेर प्रतियोगिताबाट बाहिरियो ।

स्वीडेनलाई पोल्यान्डविरुद्ध जित दिलाउन एमिल फोर्सबर्गले २ र भिक्टर क्लेसनले एक गोल गरे भने पोल्यान्डका लागि लेवान्डोस्कीले २ गोल गरे ।
स्वीडेनका लागि एमिल फोर्सबर्गले खेलको दोस्रो मिनेटमा नै अग्रता दिलाए । एलेक्जेन्डर इसाकलाई पेनाल्टी क्षेत्रबाहिर रोक्ने प्रयासमा डिफेन्डर असफल भएपछि फुत्किएको बलमा फोर्सबर्गले गोल गरेका थिए ।
दोस्रो हाफको ५९ औं मिनेटमा फोर्सबर्गले व्यक्तिगत दोस्रो गर्दै २–० को अग्रता दिलाए । वैकल्पिक खेलाडी डेजान कुलुसेभ्सकीले अघि बढाएको आक्रमणलाई फोर्सबर्गले गोलमा परिणत गरेका थिए । कुलुसेभ्सकीले मैदानको बीच भागबाट अघि बढाएको बल पेनाल्टी क्षेत्रभित्र फोर्सबर्गलाई उपलब्ध गराएपछि लाइप्जिगका मिडफिल्डरले सटिक फिनिस गरेका थिए ।

लेवान्डोस्कीले त्यसको २ मिनेटपछि नै दर्शनीय गोल गर्दै पोल्यान्डलाई खेलमा फर्काए । पेनाल्टी क्षेत्रको बायाँ भागबाट उनले सुन्दर प्रहार गर्दै गोलरक्षक रोबिन ओल्सनलाई कुनै अवसर नै दिएनन् । ८४ औं मिनेटमा लेवान्डोस्कीले नै पोल्यान्डलाई बराबरीमा ल्याए । फ्रान्कोसकीको क्रसमा दुवै डिफेन्डर झुक्किन पुग्दा ६ यार्ड बक्स क्षेत्रभित्र एक्लै रहेका लेवान्डोस्कीले सहज फिनिस गरेका थिए ।
तर खेलको अन्तिम समयमा क्लेसनले गोल गर्दै स्वीडेनलाई जित दिलाए । इन्ज्युरी समयको चौंथो मिनेटमा युभेन्ट्सका फरवार्ड कुलुसेभ्सकीले पोल्यान्डको डिफेन्सलाई पुनः समस्यामा पार्दै दिएको पासमा क्लेसनले गोल गर्दै स्वीडेनलाई समूह विजेता बनाए ।

भक्तपुर, असार १०
युरोकप २०२० अन्तर्गत समूह एफको बुधवार राती सम्पन्न रोमाञ्चक र कठिन बराबरीपछि विश्व विजेता फ्रान्स, साविक विजेता पोर्चुगल र पाँच पटकको विश्व विजेता जर्मनी अन्तिम १६ मा प्रवेश गरेको छ ।
हंगेरीको बुडापेस्टमा सम्पन्न रोमाञ्चक बराबरीपछि फ्रान्स र पोर्चुगल तथा एलिनाज स्टेडियममा सम्पन्न खेलमा जर्मनीले हंगेरीसँग बराबरी खेल्दै अन्तिम १६ मा प्रवेश गरेको हो । खेलमा पोर्चुगलले फ्रान्ससँग र जर्मनीले हंगेरीसँग समान २–२ गोलको बराबरी खेलेका थिए ।
पोर्चुगलका लागि क्रिस्टियानो रोनाल्डोले २ गोल गरे भने फ्रान्सका लागि करिम बेन्जिमाले २ गोल गरे । खेलको ३१ औं मिनेटमा कप्तान रोनाल्डोले पेनाल्टीमा गोल गर्दै पोर्चुगललाई अग्रता दिलाएका थिए । फ्रान्सका गोलकिपर ह्युगो लोरिसले पेनाल्टी क्षेत्रमा डानिल पेरीएरालाई फउल गरेपछि पोर्चुगलले पेनाल्टीको अवसर पाएको हो । जसमा रोनाल्डोले सहजै गोल गरे ।

पहिलो हाफको इन्जुरी समयमा बेन्जिमाले पनि पेनाल्टीमा गोल गर्दै फ्रान्सलाई १–१ गोलको बराबरीमा ल्याए । पोर्चुगलका नेल्सन सेमिडोले केलियन एमबाप्पेलाई पेनाल्टी क्षेत्रभित्र लडाएपछि फ्रान्सले पेनाल्टीको अवसर पाएको हो । फ्रान्सका लागि बेन्जिमाको ५ वर्ष २ सय ५८ दिनपछि गोल हो । पछिल्लो पटक उनले फ्रान्सका लागि २०१५ को अक्टोबर ८ मा गोल गरेका थिए ।
दोस्रो हाफको सुरुवातमै फ्रान्सले अग्रता बनायो । पाउल पोग्बाको पासमा बेन्जिमाले ४८ औं मिनेटमा व्यक्तिगत दोस्रो गोल गर्दै फ्रान्सलाई २–१ को अग्रता दिलाए ।
तर, ६० औं मिनेटमा रोनाल्डोले अर्को पेनाल्टीबाट व्यक्तिगत दोस्रो गोल गर्दै पोर्चुगललाई २–२ गोलको बराबरीमा ल्याए । फ्रान्सका जुलेसले ह्यान्डबल गरेपछि पाएको पेनाल्टीमा रोनाल्डोले सहजै गोल गरेका हुन् ।

यससँगै रोनाल्डोले पोर्चुगलका लागि अन्तर्राष्ट्रिय गोल संख्या १०९ पु¥याएको छ । उनले सर्वाधिक धेरै अन्तर्राष्ट्रिय गोल गर्ने इरानका अलि दाइको कीर्तिमानसँग बराबरी समेत गरे । यस्तै रोनाल्डोले जर्मनीका लिजेण्ड मिरोस्लाभ क्लोजको कीर्तिमान समेत भङ्ग गरेका छन् । रोनाल्डोले क्लोजको नाममा रहेको दुई ठुला प्रतियोगिता विश्वकप र युरोकपमा संयुक्त सर्वाधिक धेरै गोल गर्ने खेलाडीको कीर्तिमान भङ्ग गरेका हुन् । फ्रान्सविरुद्धको दुई गोलसँगै रोनाल्डोले विश्वकप र युरोपकमा गरि संयुक्त २१ औं गोल पूरा गरे । ३६ वर्षीय रोनाल्डोले युरोकपमा १४ र विश्वकपमा ७ गोल गरेका छन् । यस अघि विश्वकप र युरोमा संयुक्त १९ गोल गर्दै क्लोजले कीर्तिमान बनाएका थिए । जारी युरोमा रोनाल्डोको यो पाँचौ गोल हो । रोनाल्डो युरोकपमा सर्वाधिक धेरै गोल गर्ने कीर्तिमानी खेलाडी समेत हुन् ।

बराबरीसँगै फ्रान्स समूह विजेताको रुपमा नकआउटमा प्रवेश ग¥यो भने पोर्चुगल समूहको उत्कृष्ट तेस्रो टिम बन्दै नकआउट चरणमा पुगेको हो । यस समूहमा हंगरीसँग कठिन बराबरीपछि दोस्रो स्थानमा रहँदै नकआउटमा प्रवेश गरे ।
जर्मनी समूहमा दोस्रो हुनेक्रममा एलिनाज स्टेडियममा बुधबार राति भएको समूह चरणको अन्तिम खेलमा हंगेरीसँग २–२ गोलको बराबरी खेलेको हो । रोमाञ्चक बनेको खेलमा सुरुवाती अग्रता भने हंगेरीले लिएको थियो ।
खेलको ११ औं मिनेटमा कप्तान एडम सज्लाईले गोल गर्दै हंगेरीलाई अग्रता दिलाएका थिए । उनले रोलान्डको पासमा उत्कृष्ट हेडर गोल गरे । तर खेलको ६६ औं मिनेटमा काइ हाभर्टेजले गोल गर्दै जर्मनीलाई १–१ गोलको बराबरीमा फर्काए । उनले हुमेल्सको पासमा गोल गरे ।

त्यसको दुई मिनेटमै खेलको ६८ औं मिनेटमा आन्द्रेस सेफेरले गोल गर्दै हंगेरीलाई २–१ को अग्रता दिलाए । हंगेरी जितका साथ नकआउटमा प्रवेश गर्न तरखर गर्दै गर्दा खेलको ८४ औं मिनेटमा लियोन गोर्टेज्का दृष्यमा देखिए । उनले पेनाल्टी क्षेत्रभित्र अनमार्क रहेको अवस्थामा गरेको शक्तिशाली प्रहार दुई डिफेन्डर र गोलरक्षक गुलाक्सीलाई छिचोल्दै गोल भएको थियो । यस बराबरीसँगै हंगेरी समूह चरणबाटै बाहिरियो ।

भक्तपुर, असार ९
क्रोएसिया र इंग्ल्यान्ड युरोकप २०२० को नकआउटमा चरणमा प्रवेश गरेको छ । च्याम्पियनसिपको समूह डी को मंगलवार राती भएको खेलमा स्कटल्यान्डलाई ३–१ ले पराजित गर्दै क्रोएसिया समूह उपविजेताको रुपमा इंग्ल्यान्ड चेक रिपब्लिकलाई १–० ले पराजित गर्दै समूह विजेताको रुपमा नकआउट चरणमा प्रवेश गरेको हो ।
समूहको अन्तिम खेलमा क्रोएसिया भाग्यमानी सावित बन्यो । उसले चेकसँग अंक र गोल भिन्नता बराबरी गरेपनि समग्रमा बढी गोल गरेका आधारमा नकआउट चरणमा प्रवेश गरेको हो । क्रोएसिया स्कटल्यान्डलाई ३ गोल गर्नु नै भाग्यमानी बन्न सफल भएको हो ।

क्रोएसियालाई जित दिलाउन निकोला भ्लासिच, लुका मोड्रिच र इभान पेरिसिचले एक÷एक गोल गरे । स्कटल्याण्डका कलुम म्याकग्रिगोरले एक गोल फर्काए ।
क्रोएसियाले खेलको १७ औं मिनेटमा निकोला भ्लासिचको गोलमा अग्रता लिए । पेनाल्टी क्षेत्रभित्र इभान पेरिसिचले उपलब्ध गराएको बलमा भ्लासिचले गोल गरेका थिए । तर खेलको ४२ औं मिनेटमा क्यालम मक्ग्रेगरले गोल गर्दै खेल बराबरीमा ल्याए ।

पहिलो हाप बराबरीमा सकिएको खेलको ४२ औं मिनेटमा कप्तान लुका मोड्रीचले दर्शनीय गोल गरी क्रोएसियाललाई अघि बढाए । मोड्रीचले पेनाल्टी क्षेत्रको ठिक बाहिरबाट प्रहार गरेको आउटसाइड फुट सट गोलमा परिणत भएको हो । जित नजिक पुगेको क्रोएसियालाई खेलको ७७ औं मिनेटमा इभान पेरिसिचले गोल गर्दै जित पक्का गरे । उनले मोड्रीचको कर्नरमा हेडरमार्फत गोल गर्दै टोलीलाई २ गोलको अग्रता दिलाए । अन्ततः त्यही गोलले क्रोएसियालाई नकआउट चरणमा पु¥याउन निर्णायक भूमिका खेल्यो ।
उता अर्को खेलमा इंग्ल्यान्ड चेकसँग संघर्षपुर्ण जितका साथ समूहमा शिर्षस्थानमा रहँदै नकआउट चरणमा प्रवेश गरे । पहिलो हाफमा रहिम स्टर्लिङले गरेको गोलले इंग्ल्यान्डलाई जितका साथ समूह विजेता बनाएको हो ।
स्टर्लिङ खेलको १२ औं मिनेटमा इंग्ल्यान्डलाई अग्रता दिलाए । युरोमा पहिलो पटक सुरुवाती रोजाइमा परेका ज्याक ग्रिलिसको क्रसमा स्टर्लिङले हेडरमार्फत गोल गरेका थिए । खेलमा दुवै टोलीले केही आक्रमण बुनेपनि गोल भने गर्न सकेन ।

दोस्रो हाफमा चेकले केहि आक्रमणको प्रयास गरेपनि इंग्ल्यान्डको गोलकिपर र रक्षापंक्तिले विपल पारी दिए । इंग्ल्यान्डले दोस्रो हाफमा थप एक गोल गरेपनि अफसाइडका कारण त्यसले मान्यता पाएन । वैकल्पिक खेलाडी जोर्डन हेन्डरसनले गरेको गोललाई भीएआरले अफसाइड दिएको थियो ।
यस जितसँगै इंग्ल्यान्डले ३ खेलमा ७ अंक जोड्दै समूह डी को विजेताको रुपमा अन्तिम १६ मा प्रवेश गरे । पराजित चेक ४ अंक जोड्दै तेस्रो स्थानमा रहेको छ । समूहका उत्कृष्ट तीन मध्येको टोलीको रुपमा नकआउट चरणमा प्रवेशको सम्भावना रहेको छ ।

भक्तपुर, असार ८
नेदरल्यान्ड्स युरोकप अन्तर्गत सोमवार राती भएको खेलमा नर्थ म्यासेडोनियामाथि शानदार जित निकाल्दै समूह विजेताकोरुपमा नकआउट चरणमा प्रवेश गरेको छ । अर्को खेलमा अष्ट्रिया पनि युक्रेनमाथि १–० को जित निकाल्दै अन्तिम १६ मा प्रवेश गरे ।
नेदरल्यान्ड्सलार्ई म्यासेडोनियामाथि ३–० को सहज जित दिलाउन कप्तान जर्जिनियो वाइनाल्डमले दुई तथा मेम्फिस डिपाएले एक गोल गरे । घरेलु मैदान योहान क्रुएफ एरिनामा दुई महत्वपुर्ण अवसर गुमाएको नर्थ म्यासेडोनियाले २४औं मिनेटमा पहिलो गोल खायो । डोनेल मालेनले काउन्टर अट्याकमा मिलाइदिएको पासमा मेम्फिस डिपाएले गोल गर्दै डच टोलीलाई १–० को अग्रता दिलाए ।
खेलको ५१औं मिनेटमा कप्तान जर्जिन्हो वाइनाल्डमले गोल गर्दै डच टोलीको अग्रता दोब्बर पारे । उनले मेम्फिस डिपाएको पासमा ६ यार्ड भित्रबाट सहज गोल गरेका थिए । खेलको ५८औं मिनेटमा कप्तान जर्जिन्हो वाइनाल्डले व्यक्तिगत दोस्रो तथा टोलीका लागि तेस्रो गोल गर्दै डच टोलीलाई ३–० ले अघि बढाए । मालेन हुदै डिपाएलाई आएको पासलाई वाइनाल्डमले जाली चुमाए । ६२औं मिनेटमा वाइनाल्डम ह्याट्रिकबाट चुक्यो । उनले प्रहारलाई स्टोल डिमिट्रिभेस्कीले बचाइदिए ।
खेलको ७३ औं मिनेटमा इनिस बार्दीको पासमा डार्काे चुर्लिनोभले गोल गर्दै म्यासेडोनियालाई खेलमा फर्काउने प्रयास गरे । तर भिएआरले आफसाइड घोषणा गरे ।
यसै समूहको अर्को खेलमा अष्ट्रियाले युक्रेनलाई १–० ले पराजित गर्दै अीनतम १६ मा प्रवेश गरे । समूह सी को अन्तिम खेलमा अष्ट्रियालाई जित दिलाउन खेलको २१ औं मिनेटमा क्रिस्टोफ बाउमगार्टनरले गोल गरे । बुकारेस्टस्थित राष्ट्रिय रंगशालामा भएको खेलमा बाउमगार्टनरको कप्तान डेविड अलाबाको असिस्टमा गोल गरेका थिए । अलाबाले प्रहार गरेको कर्नरमा बाउमगार्टनरले डिफेन्डर जबर्नीको चुनौतीलाई पछि पार्दै गोल गर्न सफल रहेका थिए ।

खेलको ८७ औं मिनेटमा यारेमचुकले खेल बराबर गर्ने अवसर पाएपनि उनको प्रहारले गोलरक्षकलाई कुनै कठिनाइ उत्पन्न गरेन । यारेमचुक नै इन्ज्युरी समयमा अफसाइड ठहर भएपछि युक्रेनको सम्भावना सकिएको थियो ।
जितसँगै अष्ट्रिया अंक तालिकाको दोस्रो स्थानमा उक्लँदै अन्तिम १६ मा प्रवेश गरेको छ । अष्ट्रियाको ३ खेलमा ६ अंक तथा युक्रेनको ३ खेलमा ३ अंक छ । युक्रेन तेस्रो स्थानमा रहेपनि उत्कृष्ट ४ टोलीको माध्यमबाट अर्को चरणमा अघि बढ्ने झिनो सम्भावना भने बाँकी रहेको छ । अष्ट्रियाले अब अन्तिम १६ मा इटालीको सामना गर्नेछ । इटाली समूह ए को विजेताको रुपमा अन्तिम १६ मा प्रवेश गरेको थियो ।

भक्तपुर, असार ८
युरोकप २०२० मा बेल्जियम र नेदरल्यान्ड्स आ–आफ्नो समूहमा समूह विजेता बन्दै नकआउट चरणमा प्रवेश गरेको छ भने डेनमार्क र अष्ट्रियाले पनि अन्तिम १६ मा स्थान बनाएका छन ।
रुसको सेन्ट पिटर्सवर्ग स्टेडियममा सोमवार राती सम्पन्न खेलमा बेल्जियम फिनल्यान्डलाई २–० गोल अन्तरले पराजित गर्दै १६ औं संस्करणको युरोकप फुटबलको नकआउट चरणमा प्रवेश गरेको हो । बेल्जियमलाई समूह चरणमा शतप्रतिशत जित दिलाउन रोमेलु लुकाकुले एक गोल गरे भने अर्को गोल आत्मघाती उपहार पाए ।
पहिलो हाफ गोलरहित बराबरी सकिएको खेलको दोस्रो हाफमा बेल्जियमले आत्मघाती गोलबाट अग्रता लिएको थियो । फिनल्याण्डका गोलकिपर लुकास ह्राडेकीले ७५ औं मिनेटमा आत्मघाती गोल गरे । थोमसको हेडर बल पोस्टमा लागेर फर्किएको बल लुकासलाई लाग्दै गोलमा परिणत भएको थियो । खेलको ८१ औं मिनेटमा लुकाकुले गोल गर्दै बेल्जियमलाई २–० को जित दिलाए । उनले केभिन डे ब्रुएनाको पासलाई सदुपयोग गरे ।
अर्को खेलमा डेनमार्क रुसलाई ४–१ गोल अन्तरले पराजित गर्दै अन्तिम १६ मा प्रवेश गरेको छ । घरेलु मैदान पार्केन स्टेडियममा डेनमार्कलाई जित दिलाउन मिकेल डाम्सगार्ड, युसुफ पाउलसेन, आन्द्रेस क्रिस्टियनसेन र जोकिम मुहलेले एक एक गोल गरे । रुसका आर्टम ज्यूबाले एक गोल फर्काए ।

डेनमार्कले खेलको ३८ औं मिनेटमा डाम्सगार्डको गोलले अग्रता लिए । उनले पिएरे इमिलको पासमा बक्स बाहिरबाट उत्कृष्ट गोल गरे । ५९ औं मिनेटमा पाउलसेनले गोल गर्दै डेनमार्कको अग्रता २–० को बनाए । रुसका डिफेन्डरले दिएको ब्याक पासमा उनले गोल गरे ।
खेलको ७० औं मिनेटमा आर्टमले पेनाल्टीमा गोल गर्दै रुसलाई २–१ को स्थितिमा ल्याए । ७९ औं मिनेटमा क्रिस्टियनसेनले गोल गर्दै डेनमार्कलाई ३–१ को अग्रता दिलाए भने ८२ औं मिनेटमा जोकिमले गोल गर्दै डेनमार्कलाई ४–१ को जित दिलाए ।
यस जितसँगै डेनमार्क भाग्यमानी सावित भए । अघिल्लो दुई खेलमा पराजय भोगेको डेनमार्क पहिलो जितसँगै गोल अन्तरमा फिनल्यान्डलाई पछि पार्दै अन्तिम १६ मा प्रवेश गरेको हो । पहिलो खेलमा डेनमार्क फिनल्याण्डसँग १–० ले पराजित भएको थियो भने दोस्रो खेलमा बेल्जियमसँग २–१ ले पराजय भोगेको थियो ।