Category: खेलकुद

भक्तपुर, मंसिर १६
शैलेन्द्र न्यौपाने र सिन्दिरा जोशी तेस्रो राष्ट्रब्यापी र्यापिड रेटिङ्ग बुद्धिचाल प्रतियोगिताको च्याम्पियन बनेका छन । शैलेन्द्र पुरुषतर्फ र सिन्दिरा महिलातर्फ च्याम्पियन बनेका हुन ।
शंखरापुर युथ क्लबको आयोजनामा मेलम्ची रोड शांखुमा सम्पन्न प्रतियोगितामा शैलेन्द्रले अपराजित रहँदै च्याम्पियन बनेका हुन । बनेपाका १८८१ रेटेड शैलेन्द्रले ८ जित र एक बराबरी खेल्दै ८.५ अंक जोड्न सफल भए । उनले २२३४ रेटिङ्गको खेल प्रदर्शन गरि आफ्नो ब्यक्तिगत ५८.४ रेटिङ्ग बढाउदै नगद २० हजार पुरस्कार प्राप्त गरे ।
प्रतियोगितामा २०२६ रेटिङ्गको खेल पस्केका १८२५ रेटेड कमल श्रेष्ठले एकल ७.५ अंक बनाएर दोश्रो बने । सर्लाहीका कमलले ब्यक्तिगत ४३.४ रेटिङ्ग बढाउदै नगद १५ हजार पुरस्कार प्राप्त गरे ।
स्वीस लिग डाइरेक्ट इन्काउन्टर र बुछोल्ज्स् नियम लागु गरिएको स्पर्धामा थापाथली चेसपार्कका १८४२ रेटेड सुमन लामाले ७ अंक जोडेर तेस्रो स्थान ओगट्न सफल भए । उनले १९८२ रेटिङ्ग खेल पस्केर नगद १० हजार प्राप्त गरे ।
प्रतिस्पर्धामा समान ७ अंक बनाएर काठमाण्डौंका १८७६ रेडेट सिएम भगवतीप्रसाद शर्मा चौथो, १७९५ रेटेड सुरज सिंह पाँचौ, बनेपाका १८३२ रेटेड राहुल चौ प्रधान छैटौं, शांखुका १७६४ रेटेड पूर्णनारायण अवाले सातौं स्थानमा रहँदै प्रतियोगिता सम्पन्न गरे ।

अन्तिम चरणमा विजेता शैलेन्द्रसंग पराजित भई ६.५ अंकमा सिमित भक्तपुरका १८०६ रेटेड दामोदर गाँइजू आठौं, शांखुका १७५५ रेटेड रमेशवीर माली नवौं र १७४५ रेटेड सन्देश श्रेष्ठ दशौं स्थानमा रही खेल अन्त्य गरे ।
नेपाल वोमेन च्याम्पियन १६५१ रेटेड काठमाण्डौकी सिन्दिराले ४.५ अंक जोडेर महिलातर्फ प्रथम बनेकी हुन । झापा दमककी १५६९ रेटेड पुनम प्रसाईंले ४ अंक हासिल गर्दै वोमन द्वितीय र चेसपार्ककी १६५७ रेटेड शान्ति धिमाल ३.५ अंक बनाउदै तेस्रो भएन ।
प्रतियोगितामा विधागत पुरस्कार अन्तर्गत स्थानीय खेलाडी मध्ये जितेन्द्र श्रेष्ठ, कृष्णगोपाल श्रेष्ठ र ज्ञानेन्द्र कुमार श्रेष्ठ क्रमशः उत्कृष्ट बन्न सफल भए ।

यस्तै उत्कृष्ट नवप्रवेशी भोजपुरका सन्तोष तामाङ, उत्कृष्ट सिनियरमा टोखाका १८३२ रेटेड आशानारायण लवट, उत्कृष्ट १८०० मुनी सिन्धुलीका रामहरि कार्की, उत्कृष्ट १६०० मुनी काठमाण्डौंका आभाष तिवारी, ५ अंक जोडेका उत्कृष्ट युवा १६ प्रथम सिन्धुपाल्चोकका १६५३ रेटेड सम्यक श्रेष्ठ र पेभेलियन चेस एकेडेमीका शुभनदीप थापा द्वितीय घोषित भए ।
शंखरापुर नगरपालिकाका मेयर रोशन नापितले विजेता एवं उत्कृष्ट विधाका खेलाडीहरुलाई पुरस्कार वितरण गरे । आयोजक क्लबका अध्यक्ष कृष्णभक्त श्रेष्ठको सभापतित्वमा सम्पन्न भएको समापन कार्यक्रममा नेपाल बुद्धिचाल महासंघका अध्यक्ष हेराकाजी महर्जन, संयोजक कुमार महर्जन, प्रमुख निर्णायक आईए ज्ञानेन्द्र खाइजूको उपस्थिति रहेको थियो ।
दुई दिने प्रतियोगितामा १९०० रेटिङ्ग मुनि ४० जिल्लावाट १०४ जना खेलाडीहरुको सहभागीता रहेको थियो । जस मध्ये २० जना खेलाडीले कूल १ लाख २ हजार नगद पुरस्कार पाए ।

भक्तपुर, मंसिर १६
सिंगापुरमा सम्पन्न १६ औं एसियन प्यासिफिक सितोरियो कराते डो च्याम्पियनसिपमा नेपालले २ स्वर्ण, २ रजत र ५ कांस्य गरि कुल ९ पदक जितेको छ ।
नेपालको लागि सिनियर महिलातर्फ ६८ केजी तौल भन्दा माथि समुहमा १९ औं एसियाली खेलकुदकी रजत पदक विजेता एरिका गुरुङले नेपाललाई स्वर्ण पदक दिलाइन् । त्यसैगरि महिलातर्फकै ५० केजी मुनीको तौल समुहमा अन्जली महर्जनले नेपाललाई स्वर्ण पदक दिलाइन् ।
एलिशा रासकोटी मगर, टपी थापा र मेघा लिम्बुको समूहले महिलातर्फको टिम कातामा रजत पदक जितेको छ । निरुपा दोङ तामाङले सिनियर महिलाको ५५ केजी मुनिको तौल समुहमा रजत पदक जितिन् ।

त्यसैगरि सिनियर महिला एकल कातामा एलिशा रासकोटी मगर कास्य पदक प्राप्त गरिन् । महिला जुनियर तर्फ ४५ केजी मुनिको तौल समुहमा पोरसिया चौधरी, ६८ केजी मुनि तौल समुहमा आशिका राईले कास्य पदक जितिन् ।
पुरुष तर्फको १६ बर्ष मुनि एकल कातामा रेहान जावेद र सिनियर पुरुष तर्फ ८४ केजी मुनिको तौल समूहमा मोहम्मद शेखु आलमले नेपाललाई कांस्य पदक दिलाए ।
१२ खेलाडी, प्रशिक्षक, व्यवस्थापक, रेफ्री,अफिसियल गरि कुल ३० जनाको नेपाली टोलीले एसियन प्यासिफिक सितोरियो करातेमा भाग लिएको नेपाल सितोरियो कराते संघका प्रवक्ता गजेन्द्र वहादुर खपाङ्गी ‘ईश्वर’ले जानकारी दिए ।

भक्तपुर, मंसिर १५
काठमाण्डौंमा शनिवारबाट शुरु भएको सिद्धार्थ बैक नेपाल प्रिमियर लिग (एनपिएल)मा जनकपुर बोल्ट्सले विजयी शुरुवात गरेको छ । त्रिवि मैदान किर्तिपुरमा जनकपुरले विराटनगर किंग्सलाई ८ विकेटले पराजित गर्दै लिगमा विजयी शुरुवात गरेको हो ।
विराटनगरले प्रस्तुत गरेको १२८ रनको लक्ष्य जनकपुरले १५.३ ओभरमा २ विकेट गुमाएर पुरा गर्यो । जनकपुरको जितमा लाहिरु मिलन्थाले सर्वाधिक ७५ रनको योगदान दिए । उनले ५३ बलमा ९ चौका र ३ छक्का प्रहार गरे । जनकपुरका लागि तेस्रो नम्बरमा ब्याटिङमा आएका लाहिरुले ३९ बलमा आफ्नो अर्धशतक पूरा गरेका हुन् ।
तेस्रो विकेटका लागि लाहिरुले हर्ष ठाकरसँग मिलेर १ सय १६ रनको नट आउट साझेदारी गरे । ठाकरले ३३ बलमा २ चौकाको सहयोगमा २९ रन बनाए । जनकपुरका ओपनर तथा कप्तान अनिलकुमार साह पाँच र आसिफ शेख शून्य रनमै पेभिलियन फर्किएका थिए ।
जनकपुरले पहिलो ओभरमा नै ओपनर आसिफलाई पहिलो विकेट रुपमा गुमाएको थियो । पहिलो ओभरको चौथो बलमा ओपनर आसिफ ३ बलमा रनको खाता नै नखोली आउट भएका हुन् । आसिफलाई क्रिस सोलले बोल्ड आउट गराएका हुन् ।

अर्का ओपनर तथा कप्तान अनिल शाह दोस्रो ओभरमा आउट भए । दोस्रो ओभरको अन्तिम बलमा अनिल ४ बलमा ५ जोड्दै प्रतिस जिसीको बलमा बोल्ड आउट भए ।
जनकपुरको जितमा विराटनगरको अतिरिक्त रनको पनि योगदान रहयो । विराटनगरले २२ रन अतिरिक्त खर्चेको थियो । विराटनगरका लागि क्रिस र प्रतिसले समान १ विकेट लिए ।
त्ससअघि टस हारेर ब्याटिङको निम्तो पाएको विराटनगर १९ ओभरमा १ सय २७ रनमा समेटिएको थियो । विराटनगरले सुरुआत राम्रो गर्न सकेन । किशोर महतलाई दोस्रो बलमै चौका प्रहार गर्दै आक्रामक सुरुआत गरेका लोकेश बम ६ रनभन्दा अगाडि बढ्न सकेनन् । उनलाई दोस्रो ओभरको पहिलो बलमै ललितनारायण राजवंशीले बोल्ड गरे ।
त्यसपछि ओमानी ब्याटर अकिब इलियासले ओपनर मार्टिन गप्टिलसँग ४७ रनको साझेदारी गर्दै विराटनगरको इनिङ्सलाई उकास्ने प्रयास गरेका थिए । तर, नवौं ओभरको दोस्रो बलमा उनी मोहम्मद मोहसिनबाट एलबिडब्यु आउट भए ।
आउट हुनुपूर्व उनले १८ बलमा एक चौकासहित १५ रन प्रहार गरे र उनी आउट भएसँगै विराटनगरले पुनः ब्याटिङमा संघर्ष गर्न थाल्यो र क्यानडाका कप्तान निकोलस किर्टन नौ रनमा बोल्ड भए । तर, गप्टिलले इनिङ्स सम्हाल्दै ३६ बलमा अर्धशतक पूरा गरेपछि विराटनगरले बलियो स्थितिमा पुग्ने संकेत गरेका थिए ।
एनपिएलमा पहिलो अर्धशतक प्रहार गरेका उनी १४औं ओभरको अन्तिम बलमा लङ अनमा तैनाथ कप्तान अनिलबाट ५५ रनमा क्याच आउट भए । त्यसपछि पुनः विराटनगरले ब्याटिङमा संघर्ष गर्न थाल्यो । बसिर अहमद सात, राजेश पुलामी एक र प्रतीश दुई रनमा पेभिलियन फर्किएसँगै जनकपुर खेलमा पुनरागमन गर्न सफल भयो ।
तल्लो क्रमका कप्तान सन्दीप लामिछाने, जितेन्द्र मुखिया र क्रिस सोलले ब्याट चलाउन नसक्दा विराटनगर १९ ओभरमा १२७ रनमै अलआउट हुन पुग्यो ।

जनकपुरका ललितनारायण राजवंशीले उत्कृष्ट प्रदर्शन गर्दै सर्वाधिक तीन विकेट लिए । चार ओभर बलिङ गरेका उनले २८ रन खर्चिए । किशोर महतो र हर्ष ठाकरेको नाममा समान दुई विकेट रह्यो र यस्तै, मोहम्मद महसिन र बेन मिकेले एक विकेट आफ्नो नाममा टिपाए ।
उप निर्वाचनका कारण एनपिएलमा आइतवार खेल हुने छैन । सोमवार हुने दुई खेल हुनेछ । पहिलो खेल काठमाण्डौं गुर्खाज र चितवन राइनोज बीच बिहान सवा नौ बजे तथा दोस्रो खेल जनकपुर बोल्ट्स र कर्णाली याक्सबीच दिउँसो ुवा एक बजे हुनेछ ।

भक्तपुर, मसिर १५
नेपालमा आयोजना हुने काभा पुरुष भलिबल क्लब च्याम्पियनसिपमा चार राष्ट्रका पाँच टोलीले प्रतिस्पर्धा गर्ने भएको छ । नेपाल भलिबल संघको आयोजना र सेन्ट्रल एसियन भलिबल संघ (काभा) को संयोजनमा त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा आयोजना हुने च्याम्पियनसिपमा नेपालका दुई, भारत, माल्दिभ्स र इरानको एक÷एक गरी कुल ५ टोलीको सहभागिता हुने भएको हो ।
संघले शुक्रवार आयोजित पत्रकार सम्मेलनमा जानकारी दिए अनुसार च्याम्पियनसिप आगामी मंसिर २२ देखि २९ गतेसम्म आयोजना हुँदैछ ।
नेपालको तर्फबाट आठौं प्रधानमन्त्री कप एनभिए लिगको विजेता टिप टप हेल्प नेपाल स्पोर्टस क्लब, उपविजेता गण्डकी प्रदेशले सहभागिता जनाउने छ । यस्तै भारतको क्यालिकट, माल्दिभ्सको एचडिसी क्लब र इरानको चादौरा मालोे क्लबले च्याम्पियनसिपमा भाग लिनेछन् ।
च्याम्पियन्सिपमा सिंगल राउन्ड रोविन लिग, सेमिफाइनल, तेस्रो स्थान र फाइनल गरि १४ खेल हुनेछ । काभाको यो वर्ष भलिबल संघले आयोजना गर्ने यो दोस्रो प्रतियोगिता हो ।
यसअघि साउनमा काभा महिला भलिबल नेसन्स लिग काठमाडौंमा भएको थियो र त्यसको उपाधि भारतले जितेको थियो भने नेपाल दोस्रो भएको थियो ।
च्याम्पियन्सिप लागि झन्डै १ करोड रुपैयाँ खर्च हुने संघको अनुमान छ । त्यसमा राखेपले २५ लाख रुपैयाँ अनुदान दिने बताइएको छ ।
संघका सल्लाहकार रेशम गुरुङले १ लाख ५१ हजार, निवर्तमान अध्यक्ष मनोरञ्जनरमण शर्मा र संघकी सदस्य ज्योती केसी, टिपटप न्यु डायमण्ड स्पोर्टस क्लबले समान १÷१ लाख रुपैयाँ दिने भएका छन् ।
भलिबल संघका अध्यक्ष जीतेन्द्रबहादुर चन्दले अर्को वर्ष एफआइभिबीको सहयोगमा काभा पुरुष भलिबल नेसन्स लिग टुडिखेलमा आयोजना हुने सम्भावना रहेको बताए । त्यो च्याम्पियनसिप आयोजना भएको खण्डमा नेपालले भौतिक पूर्वाधारमा एभआइभिबीबाट आर्थिक सहयोग पाउने सम्भावना रहेको चन्दले जानकारी दिए ।

भक्तपुर, मसिर १५
काठमाण्डौंमा शनिवारदेखी शुरु भएको नेपाल प्रिमियर लिग (एनपिएल)को विजेताले एक करोड ११ लाख रुपैंया पुरस्कार पाउने भएको छ । नेपाल क्रिकेट संघ (क्यानले) शनिवार फ्रेन्चाइज टि–२० क्रिकेट लिग एनपिएलको विजेताले सो पुरस्कार पाउने घोषणा गरेको हो ।
क्यानका अनुसार उपविजेताले ५० लाख र तेस्रो स्थानमा रहनेले ३० लाख र चौथो हुनेले २० लाख पुरस्कार पाउने छन् । प्रतियोगिताकै उत्कृष्ट नेपाली खेलाडीलाई कार पुरस्कार दिने यसअघि नै क्यानले घोषणा गरिसकेको छ ।

भक्तपुर, मंसिर १४
शंखरापुर युथ क्लबको आयोजनामा सञ्चालन भएको तेश्रो राष्ट्रब्यापी खुल्ला र्यापिड रेटिङ्ग बुद्धिचाल प्रतियोगिता अन्तर्गत चार चरणको खेल हुँदा ५ जना राष्ट्रिय खेलाडीहरुले संयुक्त रुपमा अग्रता लिएका छन् ।
सन गार्डेन व्यांक्वेट, मेलम्ची रोड शांखुमा आज सम्पन्न सबै खेलमा जीत दर्ता गर्दै काठमाण्डौंका सुमन लामा, सर्लाहीका कमल श्रेष्ठ, झापाका मिशन दाहाल, भक्तपुरका दामोदर गाँइजू र काठमाण्डौंका सुरज सिंहले समान ४ अंक बटुल्दै संयुक्तरुपमा अग्रता लिएका हुन ।
चौथो चरणको खेलमा सुमनले हर्क बहादुर सांम्पाङ, कमलले जसवीर सेन्धन लिम्वु, मिसनले गोपालकृष्ण श्रेष्ठलाई पन्छाउन सफल भए । यसैगरी दामोदरले शिर्ष खेलाडी जनार्दन श्रेष्ठलाई निरास पारे भने सुरजले भगवती प्रसाद शर्मा माथि जीत निकाले ।
यस्तै प्रतिस्पर्धामा बनेपाका शैलेन्द्र न्यौपाने र शांखुका रमेशवीर मालीद्वयले समान ३.५ अंक जोडेर संयुक्त दोश्रो स्थान ओगट्न सफल भएका छन् । रमेशवीरले चौथो चरणको खेलमा समयक श्रेष्ठलाई पराजित गरे ।

कडा खेलका बिच ललितपुरका रत्न ब्यञ्जनकार, काठमाण्डौका जनार्दन श्रेष्ठ, हर्क साम्पाङ, काभ्रेका एक्स मार्सल, काठमाण्डौ सुशन गौतम, गोविन्द प्रसाद पौडेल, भक्तपुरका बृजेश रंजितकार सहित २४ जना खेलाडीले समान ३ अंक जोडेर संयुक्त तेस्रो स्थानमा रहन सफल भएका छन् ।
यसअघि प्रतियोगिताको उद्घाटन शंखरापुर नगरपालिकाका मेयर रोशन नापितले गरेका थिए । शंखरापुर युवा क्लबका अध्यक्ष कृष्णभक्त श्रेष्ठको सभापतित्वमा सम्पन्न उदघाटन समारोहमा उप मेयर समिता श्रेष्ठ, नेपाल बुद्धिचाल महासंघका अध्यक्ष हेराकाजी महर्जन, संयोजक कुमार महर्जन, प्रमुख निर्णायक आईए ज्ञानेन्द्र खाईजूले प्रतियोगिता सफलताको शुभकामना व्यक्त गरेका थिए ।
दुई दिने प्रतियोगितामा १९०० रेटिङ्ग मुनिका ४० जिल्लावाट १०४ जना खेलाडीहरुको सहभागीता रहेको छ । जस मध्ये २० जना खेलाडीले कूल १ लाख २ हजार नगद पुरस्कार प्राप्त गर्नेछन् ।

भक्तपुर, मंसिर १३
नेपाली क्रिकेटको टि–२० फ्रेन्चाइज लिज नेपाल प्रिमियर लिग (एनपिएल)मा विदेशी खेलाडीहरुको अनुबन्धनले कारण लिगको चर्चा चुलिएको छ । एनपिएल टोलीले आफ्नो क्षमता अनुसार उत्कृष्ट विदेशी खेलाडी भित्र्याएका कारण लिगको चर्चा चुलिएको हो ।
भारतीय चर्चित क्रिकेटर शिखर धवन, न्युजिल्याण्डका मार्टीन गप्टिल(जसले ओडीआई विश्वकपमा दोहोरो शतक प्रहार गरेका थिए), ओमनका जिसन मक्सूद, नामिबियाका कीर्तिमानी खेलाडी जन लफ्टी इटनको सहभागिताले एनपिएल चर्चाको शिखरमा मात्र पुगेको हो ।
नेपाल क्रिकेट संघ (क्यान)को आयोजनामा यही मंसिर १५ गतेदेखी पुस ६ गतेसम्म सञ्चालन हुने एनपिएलमा अष्ट्रेलिया, बेलायत, अमेरिका, दक्षिण अफ्रिका, वेष्ट इण्डिज, क्यानडा, हङकङ, अफगानिस्तानदेखि नेदरल्याण्ड्स लगायतका खेलाडी अनुबन्धन भएका छन ।
एनपिएलमा ८ टोली छन । ती मध्ये एक हो विराटनगर किङ्स । विराटनगर किङ्सको मुख्य प्रशिक्षक केभिन ओब्रायन रहेका छन् । विराटनगरमा विदेशी खेलाडीहरुमा अकिब इल्यास, निकोलस कीर्तन, मार्टिन गप्टिल, क्रिस सोल र इस्मत आलम समावेश छन । विराटनगरको मार्की खेलाडी सन्दिप लामिछाने हुन ।
मार्टिन गप्टिल (न्युजिल्याण्ड)
गप्टिल ओडीआई विश्वकपमा दोहोरो शतक प्रहार गर्ने खेलाडी हुन् । गप्टिलसँग अन्तराष्ट्रिय क्रिकेट र फ्रेन्चाइज क्रिकेट खेलेको धेरै अनुभव छ । गप्टिलले किवी टोलीका लागि ४७ टेष्ट, १९८ ओडीआई र १२२ टी–२०आई खेल खेलेका छन् । उनले ३४७ टी–२० खेल खेलेका छन् । ओडीआईमा एकै खेलमा अविजित २३७ रन बनाएका गप्टिलले टी–२० आईमा २ शतक प्रहार गरेका छन् । उनले टेष्टमा २ हजार ५८६ रन बनाएका छन् भने ओडीआईमा ७ हजार ३४६ रन बनाएका छन् । यस्तै टी–२० आईमा ३ हजार ५३१ रन बनाएका छन् ।

अकिब इल्यास (ओमान)
अकिबले ओमनका लागि ३२ ओडिआई तथा ५६ टी २० आई खेल खेलेका छन् । उनले ओडिआईमा २ शतकसहित १ हजार २३४ रन बनाएका छन् । यस्तै टी २० आईमा १० अर्धतशक मद्दतमा १ हजार ३३० रन बनाएका छन् । उनले ओडिआईमा २३ र टी२० आईमा ४७ विकेट समेत लिएका छन् ।
निकोलस किर्तन(क्यानडा)
उनले क्यानडाका लागि १८ ओडीआई र २५ टी–२० अन्ताराष्ट्रिय खेल खेलेका छन् । जसमा दुई अर्धशतकसहित ५६४ रन बनाएका छन् ।
क्रिस सोल (स्कटल्याण्ड)
स्कटल्याण्डका पेस बलर क्रिस सोलउनले स्कटल्याण्डका लागि १७ टी–२०आई म्याच खेल्दै १५ विकेट लिएका छन् । यस्तै सोलले ३१ ओडीआई खेलेका छन् ।
इस्मत आलम (अफगानिस्तान)
२२ वर्षीय इस्मत ब्याटिङ अलराउन्डर हुन् । उनले २० टी–२० म्याच खेल्दा २२५ रन बनाउनुका साथै १० विकेट लिएका छन् ।
काठमाडौं गुर्खाज
काठमाडौँ गुर्खाजमा मार्की खेलाडी करण केसी हुन् । प्रशिक्षक वसन्त शाही रहेका छन् । काठमाडौंले माइकल लेभिट, मर्वी जेरार्ड इरसमस तथा स्टेफन इस्किनाजी, नाथन सावटर र ड्यान डौथवेटलाई अनुबन्ध गरेको छ ।
माइकल लेभिट (नेदरल्यान्ड्स)
नेदरल्यान्ड्सका विष्फोटक ब्याटर लेभिटलाई नेदरल्यान्ड्सका लागि ८ ओडीआई खेलमा १८४ रन र १७ टी–२० आई खेलेमा ५५० रन बनाएका छन् ।
सन इस्किनाजी (इङल्याण्ड)
३० वर्षीय विकेटकिपर ब्याटर एस्किनाजीले १ सय १० टी–२० खेलमा ३ हजार १०५ रन बनाएका छन् ।
जेरार्ड इरास्मस (नामिबिया)
अलराउण्डर जेरार्डले टी–२० अन्ताराष्ट्रियमा उनले ६३ इनिङ्स खेलेका छन् । जसमा १ शतक र ११ अर्धशतकको सहायतामा १ हजार ५५७ रन बनाएका छन् । त्यस्तै बलिङमा ४४ इनिङ्सबाट ५३ विकेट लिएका छन् ।
ड्यान डौथेवेट (इङल्याण्ड)
३९ वर्षीय बोपाराले ४७८ टी–२० खेलमा ९ हजार ४ सय ४८ रन तथा २९१ विकेट आफ्नो नाममा गरेका छन् ।
नाथन सावटर
लेगस्पिनर नाथन सोटरले १४३ टी–२० खेलमा १५४ विकेट लिएका छन् ।
८ टोली रहेका लिगमा क्रिकेटप्रेमीका लागि मंसिर १५ गतेको प्रतीक्षा रहेको छ । राउण्ड रोबिन लिगका आधारमा हुने प्रतियोगिताका शीर्ष दुई टोली क्वालिफायरमा पुग्नेछन् ।
पहिलो क्वालिफायरमा पुग्ने दुवै टोलीबीच सीधै फाइनल प्रवेशका लागि पुस ३ गते प्रतिस्पर्धा हुनेछ । खेलको विजेता टोलीले सीधै फाइनलमा स्थान बनाउँदा पराजित टोलीले अंक तालिकाको तेस्रो र चौथौ स्थानमा रहने टोलीबीच हुने ‘एलिमिनेटर’ खेलको विजेतासँग खेल्नुपर्नेछ ।
अंक तालिकाको तेस्रो र चौथो स्थानमा रहने टोलीले पुस ३ गते नै ‘एलिमिनेटर’ खेल्नेछन् । ‘एलिमिनेटर’को विजेताले फाइनल प्रवेशका लागि पहिलो क्वालिफायरमा पराजित टोलीसँग खेल्नुपर्नेछ ।

भक्तपुर, मंसिर १३
नेपाल प्रिमियर लिग (एनपीएल) सुरु हुने मिति निकै नजिक आउँदा अहिले यसको चहलपहल धेरै बढेको छ । मंसिर १५ देखि कीर्तिपुरस्थित टीयू अन्तर्राष्ट्रिय मैदानमा ८ टिम सहभागि एनपीएल सुरु हुनेछ । त्यसका लागि अहिले आयोजक नेपाल क्रिकेट संघ (क्यान) देखि सहभागि फ्रेन्चाइज टोलीहरु तिव्र तयारीमा छन् ।
खेलाडीहरु मैदानमा प्रशिक्षक गर्ने, अभ्यास खेल खेल्ने देखि पुरस्कार र प्रायोजकको घोषणा हुने क्रम जारी छ । यस्तै विदेशी खेलाडीहरु पनि नेपाल आउने क्रम जारी छ ।
काठमाडौं बाहिर प्रशिक्षण गरिरहेका सबै टोलीहरु काठमाडौं आइसकेका छन् । विराटनगर कंग्स र पोखरा एभेन्जर्सको टोद्यी बुधबार काठमाडौं आइपुगेका छन् ।
बुधबार जनकपुर बोल्ट्स र लुम्बिनी लायन्सबीच अभ्यास खेल पनि भयो । जसमा आसिफ शेख मार्की रहेको जनकपुरले रोहित पौडेल मार्की रहेको लुम्बिनीलाई ९६ रनले हरायो ।
मंसिर १२ गते बुधबार एनपीएलसँग सम्बन्धित विभिन्न गतिविधिहरु भए । के के भयो बुधबार सबै कुराको संक्षिप्त जानकारी यहाँ प्रस्तुत गरिएको छ ।
विराटनगरले उपाधि जिते ३० लाख पाउने
विराटनगर किंग्सका खेलाडीको लागि खुशीको खबर । विराटनगरले एनपीएलको उपाधि जितेमा कोक्की प्रदेशले नगद ३० लाख दिने घोषणा भएको छ ।
कोशी प्रदेशका मुख्यमन्त्री हिक्मतकुमार कार्कीले विराटनगर किंग्सले एनपीएलको उपाधि जिते प्रदेश सरकारको तर्फबाट ३० लाख रुपैयाँ पुरस्कार दिने घोषणा गरेका हुन् ।
बुधबार काठमाडौं आउने विराटनगरका किंगसका खेलाडीलाई बिदाइ गर्दै मुख्यमन्त्री कार्कीले उपाधि जिते ३० लाख पुरस्कार दिने घोषणा गरेका हुन् ।
एनपीएलको माहोल यति धेरै बढेको छ कि लिग सुरु नहुँदै विभिन्न किसिमको पुरस्कार घोषणा हुने क्रम जारी छ । तर आयोजक क्यानले भने अझै विजेताले पाउने पुरस्कार घोषणा गरेको छैन ।
मंगलबार मात्रै बेस्ट नेपाली प्लेअरलाई ओमोडाले ६२ लाखको कार दिने घोषणा गरेको थियो ।
उद्घाटन खेलको टिकट सोल्डआउट
एनपीएलको चर्चा अहिले यति धेरै छ कि मंसिर १५ गते हुने विराटनर किंग्स र जनकपुर बोल्ट्सबीचको उद्घाटन खेलको टिकट सोल्ड आउट नै भएको छ । आयोजक क्यान र टिकेटिङ पार्टनर खल्ती दुवैले पहिलो खेलको टिकट सोल्ट आउट भएको जानकारी दिएको छ ।
उद्घाटन खेलको टिकट तीन दिनअघि नै सोल्ट आउट भएको हो । टीयू मैदानको कूल क्षमता १२ हजार जति भएपनि उद्घाटन खेलका लागि भिआईपी टिकट र नर्मल गरी १० हजार मात्र विक्री गरिएको क्यान प्रवक्ता छुम्मी लामाले जनाए ।
टियू मैदानमा मुख्य प्रायोजक सिद्धार्थ बैंकका लागि सिद्धार्थ बैंक जोन पनि छुट्याईएको लामाले जानकारी दिए ।
यसपटक क्यानले टीयूमा दर्शकहरुको सुविधाका लागि फ्यान जोन छुट्याएर टिकट विक्री गरेको थियो । मंसिर १० गते बेलुका ८ बजेबाट क्यानले टिकट बिक्री खुला गरेकोमा तीन दिनमै टिकट सोल्ड आउट भएको हो । दर्शकले जोन अनुसार नै टिकट काट्नुपर्नेछ र त्यही जोनमा प्रवेश गर्ने र बाहिरिने गर्नुपर्नेछ ।
विदेशी खेलाडी आउने क्रम जारी
एनपीएल खेल्न विदेशी खेलाडी नेपाल आइपुग्ने क्रम जारी छ । बुधबार एकै दिन धेरै विदेशी खेलाडी (११) नेपाल आइपुगे । पोखराको सर्वाधिक ४ विदेशी खेलाडी काठमाडौ आइपुगे ।
जसमा नेदरल्याण्ड्सका बास डे लिड, वेष्ट इन्डिजका रेमोन रेइफर, इंग्ल्याण्डका म्याट क्रिटले र स्कटल्याण्डका माइकल लिस्क छन् ।
यस्तै काठमान्डु गुर्खाजका तीन विदेशी खेलाडी बुधबार आइपुगेका छन् । तीनै खेलाडी इंग्ल्याण्डका हुन् । स्टेफेन इस्कीनाजी, डान डौथगेट र नाथन सोटर बुधबार काठमाडौं आइपुगेका हुन् । गुर्खाजका अर्का विदेशी माइकल लेभिट यसअघि नै आइसकेका छन् ।
यसैगरी चितवन राइनोजका दुई विदेशी खेलाडी बुधबार काठमाडौं आइपुगे । जसमा नामिबियाका जान निकोलस लफ्टी इटन र इंग्ल्याण्डका लुक बेन्केन्सटेइन छन् । चितवनका हसन इसीखिल यसअघि नै नेपाल आइसकेका छन् ।
यस बाहेक सुदूरपश्चिम रोएल्सका इंग्लिस खेलाडी सैफ अदली जैब र न्युजिल्याण्डका स्कट कुगेलेइन पनि बुधबार काठमाडौं आइपुगेका छन् ।
मंगबालर कर्णाली याक्सका दुई विदेशी खेलाडी काठमाडौं आइपुगेका थिए । यस्तै जनकपुर बोल्ट्सका मोहम्मद मोहसिन पनि नेपाल आइसकेका छन् ।
अब बिहीबार र शुक्रबार पनि विदेशी खेलाडी आउने क्रम जारी हुनेछ । विदेशमा लिग खेलिरहेका केही खेलाडी भने एनपीएल सुरु भएपछि आउने तयारीमा छन् ।
जनकपुरले भित्र्यायो मक्सुदको स्थानमा बेन माइक
एनपीएलका लागि जनकपुर बोल्ट्सले इंग्लिस पेस बलिङ अलराउण्डर बेन माइकलाई बुधबार अनुबन्ध गरेको जनाएको छ ।
लोअर अर्डरमा खेल्ने माइकले सबैखाले टी२०मा ६७ खेल खेल्दा ५७ विकेट लिएका छन् भने ६०० भन्दा बढी रन पनि बनाएका छन् ।
जनकपुरले यसअघि अनुबन्ध गरेको पाकिस्तानका अनुभवी खेलाडी सोहेब मक्सुद नआउने भएपछि उनको स्थानमा बेन माइकलाई अनुबन्ध गरिएको जनाएको छ ।
मकसुदले फिटनेशमा समस्या भएकाले एनपीएद्यमा उपलब्ध हुन नसक्ने जनाएपछि उनको रिप्लेसमेन्ट राखिएको हो ।
जनकपुरको अन्य विदेशी खेलाडीमा न्युजिल्याण्डका चर्चित अलराउण्डर जिम्मी निसम, श्रीलंकन ओरिजिनका अमेरिकी खेलाडी लहिरु मिलान्था, अमेरिकी जोसुअ ट्रोम्प र पाकिस्तानका मोहम्मद मोहसिन छन् । मोहसिन यसअघि नै नेपाल आइसकेका छन् ।
सबै टोली काठमाडौं आइपुगे
एनपीएलमा ८ फ्रेन्चाइज टिमले प्रतिस्पर्धा गर्नेछन् र सबै ८ वटै टिम काठमाडौंमा जम्मा भइसकेका छन् । यसअघि धेरै टिमले आफ्नै क्षेत्रमा प्रशिक्षण गरिरहेका थिए । त्यसमध्ये केही टिम यसअघि नै आइसकेका थिए भने पोखरा एभेन्जर्स र विराटनगर किंग्सको टोली बुधबार काठमाडौं आइपुगेको छ ।
यी दुई टोलीबीच बिहीबार अभ्यास खेल समेत हुनेछ । विराटनगरको मार्की खेलाडीमा सन्दीप लामिछाने र पोखराको मार्की खेलाडीमा कुशल भुर्तेल छन् ।
चितवन राइनोजका समर्थकलाई निःशुल्क बस सेवा
चितवन राइनोजका समर्थकहरुका लागि खुशीको खबर छ । त्यो पनि चितवनकै स्थानियहरुको लागि यो विशेष हुनेछ ।
चितवन राइनोजले आफ्नो खेल हुने दिनमा चितवनका समर्थकहरूलाई चितवनदेखि काठमाडौंसम्म निःशुल्क बस सेवाको व्यवस्था गर्ने जनाएको छ । चितवनको खेल हुने दिन बिहान ३ बजे प्रस्थान गर्ने गरी पाँचवटा बसको व्यवस्था मिलाइने चितवन राइनोजले जनाएको छ ।
बस चितवन मेडिकल कलेज (सीएमसी)बाट छुट्ने छ भने समर्थकहरूलाई टियू मैदानसम्म ल्याउने छ । यो सेवा लिनका लागि चितवनको खेलको टिकट काटिसकेको हुनुपर्ने छ ।
समर्थकलाई खाजाको पनि व्यवस्था गरिने र खेलपछि फर्कने व्यवस्था पनि हुने जनाइएको छ ।
सीआर ७ होरा पोखराको युथ आइकन
पोखरा एभेन्जर्सले क्रिकेटलाई अझ पपुलर बनाउने लक्ष्यसहित सन्जन गौतम अर्थात सिआर ७ होरालाई हाम्रो गण्डकी युथ आइकनको रुपमा अनुबन्ध गरेको छ ।
सीआर ७ होराको नामले चर्चित सन्जन चर्चित गेमर तथा स्ट्रिमर हुन् । केही समयअघि उनको पब्जी टिम होरा स्पोर्ट्सले पब्जीको विश्व च्याम्पियनसीप पनि खेलेको थियो ।
युवा र विशेषगरी ईस्पोर्ट्स प्रेमीहरूमाझ उनको खेल र खेलको लाइभ भिडियो चर्चित छ ।
बुधबार पोखरा एभेन्जर्सको धेरै कार्यक्रम भयो । चार विदेशी खेलाडी एक साथ आगमन, एनपीएलमा जितको कामना गर्दै समर्थकको पशुपती दर्शन अनी युथ आइकनमा सीआर ७ होरा अनुबन्ध हुनु ।
यसैगरी पोखरा एभेन्जर्सको हस्पिटालिटी पार्टनरमा दी सोल्टी होटल जोडिएको छ ।
पोखरा मैदानमा प्रशिक्षण गरिरहेको एभेन्जर्सको टोली पनि बुधबारै काठमाडौं आएर सोल्टी होटलमै बसेको छ ।
पोखरा एभेन्जर्सको अब एक विदेशी खेलाडी अमेरिकन विकेटकिपर आन्द्रेस गौस मात्र आउन बाँकी छ । उनी डिसेम्बर ३ मा काठमाडौं आइपुग्ने टिमले जनाएको छ ।
सुदूरपश्चिमलाई नेपाल एअरलाइन्सको साथ
सुदूरपश्चिम रोयल्सको एअरलाइन्स पार्टनरमा नेपाल एअरलाइन्स जोडिएको छ । सुदूरपश्चिम रोयल्स र नेपाल एअरलाइन्स कर्पोरेसनबीच बुधबार प्रायोजन सम्झौता भएको छ ।
सम्झौता पत्रमा रोयल्सका प्रमुख कार्यकारी अधिकृत प्रकाश खड्का र एअरलाइन्सका कर्पोरेट विभागका निर्देशक अनिल घिमिरेले हस्ताक्षर गरे ।
नेपाल एअरलाइन्सका निर्देशक घिमिरेले सुदूरपश्चिमसँग जोडिन पाउँदा खुसी लागेको बताउँदै एनपीएल हुनु सुखद भएको र एनपीएलको सफलतासँगै खेलको विकास अझै होस् भन्ने चाहना रहेको बताए । उनले एनपीएलमा उत्कृष्ट प्रदर्शन गरेर उपाधि जित्ने रोएल्सलाई शुभकामना दिए ।
रोयल्सका सिइओ खड्काले नेपालीहरुको साझा ब्राण्ड रोयल्ससँग जोड्न पाउँदा खुसी व्यक्त गर्दै संस्थाले नेपाली क्रिकेटमा गरेको लगानीले राम्रो प्रतिफल दिने विश्वास व्यक्त गरे ।
सुदूरपश्चिम रोयल्सले यसअघि एसपीएलाई एजुकेसन पार्टनर, मेडिकल पार्टनरमा माया मेट्रो अस्पताल, टेलिकम पार्टनरमा नेपाल टेलिकम, स्ट्रेन्थ पार्टनरमा सूर्य प्लाई र कुमारी जबलाई करिअर पार्टनरको रुपमा भित्र्याएको छ ।
अनलाइनखबरबाट

भक्तपुर, मंसिर १२
नेपाली बुद्धिचाल खेलाडीको टोली सिंगापुर प्रस्थान गरेका छन । यही मंसिर १४ देखि २२ गतेसम्म हुन गइरहेको अन्तर्राष्ट्रिय खुल्ला रेटिङ बुद्धिचाल प्रतियोगितामा सहभागी हुन नेपाली खेलाडी नेपाल च्याम्पियन राजन सुवेदी र सुश्रुत दाहाल बुधवार सिंगापुर प्रस्थान गरेका हुन ।
२४ औं राष्ट्रिय बुद्धिचाल प्रतियोगिताका विजेता राजन र नेपाल तृतीय शुश्रुतलाई महासंघका कोषाध्यक्ष ताराबहादुर रानाभाटले त्रिभुवन अन्तर्राष्ट्रिय विमानस्थलमा बिदाइ गरे ।
प्रतिष्ठित सिंगापुर ओपन अन्तर्राष्ट्रिय बुद्धिचाल प्रतियोगितामा नेपालका दुई खेलाडी सहित आयोजक राष्ट्र सिंगापुर, अमेरिका, भारत, चीन, स्पेन, उज्वेकिस्तान, युएई, फिलिपिन्स, जर्जिया लगायतका ६० भन्दा बढी उच्च ग्राण्ड मास्टर्सहरुको सहभागीता रहनेछन् ।
भिसाको कारण नेपालले ४५ औं चेस ओलम्पियाडमा सहभागी हुन नपाए पछि खेलाडीको मनोवल उच्च राख्न महासंघले विभिन्न अन्तर्राष्ट्रिय स्पर्धामा पुरुषतर्फ राजन सुवेदी, फिडे मास्टर क्षितिज भण्डारी, शुश्रुत दाहाल र रुपेश जैसवाललाई सहभागी गराउने निर्णय गरेको थियो ।
यसैगरी महिला खेलाडीहरु सिन्दिरा जोशी, कृतिसारा अधिकारी, शान्ति धिमाल, पूजा भण्डारी र रिया श्रेष्ठले पनि कुनै न कुनै अन्तर्राष्ट्रिय प्रतियोगितामा सहभागीता जनाउने महासंघले जनाएको छ ।
अन्तर्राष्ट्रिय प्रतियोगितामा नेपालबाट सहभागी हुने शीर्ष खेलाडीहरुलाई आवास, हवाई खर्च लगायत लाग्ने खर्च वल्र्ड चेस फेडेरेशनको सहयोगमा नेपाल बुद्धिचाल महासंघले व्यहोरिने कार्य सम्पादन सदस्य राजु ताम्राकारले जानकारी दिए ।

भक्तपुर, मंसिर ८
कबड्डीको आसन्न फ्रेन्चाइज लिग नेपाल कबड्डी लिग (एनकेएल) को आधिकारिक लोगो र ट्रफी शुक्रबार सार्वजनिक गरिएको छ । एनकेएलको मुख्य प्रायोजकको रूपमा रहेको एक्ट्रोनिक्स म्यानेजमेन्ट प्रालिले लोगो र ट्रफी सार्वजनिक गरिएको हो । गृहमन्त्री रमेश लेखक, खेलकुदमन्त्री तेजुलाल चौधरी, प्रायोजकका अध्यक्ष अमित बेगानीलगायतले संयुक्तरुपमा लोगो र ट्रफी सार्वजनिक गरेका हुन ।
एस्ट्रोनिक्स म्यानेजमेन्टका अध्यक्ष बेगानीले नेपालको कबड्डीलाई अन्तर्राष्ट्रियस्तरमा पु¥याउने लक्ष्य साथ लिगको आयोजना गर्न लागिएको बताए । उनले भने, ‘एनकेएल कबड्डी खेलमात्र नभएर सबै नेपालीको सपना हो । गाउँको कुना कन्दरादेखि सहरसम्म फैलिएको नेपाली कबड्डीलाई विश्व मञ्चमा पु¥याउने हाम्रो प्रयास हो । यसका लागि यो ऐतिहासिक कदम भएको छ ।’
गत वर्ष चीनमा सम्पन्न १९औं एसियाली खेलकुदमा नेपाली महिला कबड्डीले ऐतिहासिक कांस्य पदक जितेको थियो । नेपालले टिम खेलबाट एसियाडमा कांस्य जितेको यो पहिलोपल्ट थियो ।
उक्त सफलतापछि अखिल नेपाल कबड्डी संघले नेपाली कबड्डीको विकास र बिस्तारका लागि फ्रेन्चाइज लिग आयोजना गर्ने घोषणा गरेको थियो ।
पहिलो संस्करणमा भाग लिने ६ सहर नामसमेत सार्वजनिक गरिएको छ । एनकेएलमा काठमाडौं, पोखरा, विराटनगर, जनकपुर, धनगढी, बुटवल सहरको नाम टिमहरूले सहभागिता जनाउने छन् । प्रतियोगिताको मिति र खेलाडी छनोट लगायतका कार्यक्रम पछि सार्वजनिक गरिने आयोजकले जनाइएको छ ।
एनकेएल लिगका लागि कबड्डी संघले गत वर्ष नोभेम्बरमा एस्ट्रोनिक्स म्यानेजमेन्टसँग १० वर्षे सम्झौता गरेको थियो । महिला कबड्डी लिगका लागि पनि एस्ट्रोनिक्ससँगै सम्झौता भइसकेको छ ।
संघकी अध्यक्ष तुलसी थापाले देशको माटो सुहाउँदा खेल भए पनि जुन रूपमा विस्तार हुनुपर्ने हो त्यो हुन नसकेको प्रस्ट्याउँदै अब एनकेएल आयोजनाले गति लिने विश्वास व्यक्त गरिन् ।
१३ औं सागमा रजत जितेको महिला कबड्डीले ११ र १२ औं सागमा पनि कांस्य जितेको थियो । पुरुष कबड्डीले ११ औं सागमा कांस्य जितेको थियो । ढाकाको बंगबन्धु कबड्डी प्रतियोगितामा पनि नेपाली पुरुष टोलीले उपविजेता भएको थियो ।
गृहमन्त्री लेखकले कबड्डी नेपालको मौलिक खेलको रूपमा रहेको चर्चा गरे । उनले आफूले देखेको र खेलेको पहिलो खेल नै कबड्डी भएको प्रसंग उप्काउँदै सबैको मनमनमा कबड्डी खेल रहेको बताए ।