Category: अन्तराष्ट्रिय

बुटवल, फागुन २९ गते विहिवार ।
अखिल नेपाल भिक्षु महासंघका कोषाध्यक्ष भिक्षु बोधिज्ञान महास्थविरको उपाध्यायात्वमा बुटवल, डिङ्गरनगरस्थित अन्तर्राष्ट्रिय बुद्ध परियत्ति उदय विहारमा फागुन २२ गते विहिवारका दिन १० दिनको अल्पकालिन “उपसम्पदा भिक्षु”को दीक्षा दिइएको छ ।
“अन्तर्राष्ट्रिय बुद्ध परियत्ति उदय विहार” र “बुद्ध विहार, यु.के.”को संयुक्त आयोजनामा बेलायतबाट आउनुभएका ९ जना कुलपुत्रहरुलाई विहारको “सासनविपुल सिमागृह” मा विहारका प्रमुख आनन्द स्थविरको अनुशासन अभिभारमा १३ जना कम्मकारक (कम्मवाचक) संघ सदस्यहरुको उपस्थितिमा उक्त उपसम्पदाको दीक्षा दिइएको हो ।
उहाँहरुले उपसम्पदा ग्रहण गर्नुअघि अ.ने.भि. महासंघका अध्यक्ष भिक्षु धम्मसोभन महास्थविरको उपाध्यायात्वमा लुम्बिनीको पवित्र उद्यानमा श्रामणेर प्रव्रज्या ग्रहण गर्नुभएको थियो ।
उपसम्पदा दीक्षा लिएका कुलपुत्रहरु बेलायतबाट धम्मयात्राका क्रममा नेपाल आउनु भएको जानकारी भिक्षु आनन्द स्थविरले दिनुभएको छ । उहाँहरुले १० दिनसम्म भिक्षुको २२७ वटा विनय नियम पालना गरीरहनु भएका छन् भने उहाँहरुलाई यस अवधिभर विनय, परियत्ति, ध्यान भावना सम्बन्धि शिक्षा दिई ध्यान भावनाको अभ्यास पनि गराइरहेको उहाँले बताउनुभएको छ ।
सोहि क्रममा उहाँहरु भगवान बुद्धको जन्मभूमि लुम्बिनीको पवित्र उद्यानमा ४ दिने “चौथो लुम्बिनी अन्तर्राष्ट्रिय तिपिटक पाठ” मा पनि सहभागी भएका छन ।

भक्तपुर, चैत्र २१

थाइल्यान्डमा भइरहेको IWF World Cup 2024, खेलमा सहभागी हुन नेपाली भारोत्तोलन खेल टोली आइतबार त्यसतर्फ प्रस्थान गर्ने भएको छ । नेपाल भारोत्तोलन संघका सदस्य राम सुन्दर श्रेष्ठ सुशनको व्यवस्थापनमा प्रशिक्षक जीवन गौतम र भारोत्तोलन खेलाडी सागर भण्डारीको टोली सो प्रतिस्पर्धाका लागि थाइल्यान्डको फुकेटमा जान लागेका हुन ।

मार्च ३१ देखि शुरु भएको उक्त प्रतिस्पर्धामा भण्डारीले पुरुष १०९ केजी माथी तौल समुहमा एप्रील ११ मा खेल्नेछन् । सागर भण्डारीले यसअघि एशियाली सिनियर भारोत्तोलन च्याम्पियनसिपमा क्लिन एन्ड जर्कमा १७१ केजीको भार वहन गरि नयाँ राष्ट्रिय कीर्तिमान राखेका छन् । यसैगरी ३ सदस्यीय टोलीलाई बुधबार नेपाल ओलम्पिक कमिटीले विदाइ गरेको छ ।

कार्यक्रममा ओलम्पिक कमिटीका अध्यक्ष तथा पूर्व मन्त्री जीवनराम श्रेष्ठले सफलताको शुभकामना सहित विदाइ गर्नुभयो । नेपाल ओलम्पिक कमिटीको सातदोबाटोस्थित मुख्यालयमा आयोजित सो कार्यक्रममा ओलम्पिक कमिटीका महासचिव निलेन्द्र राज श्रेष्ठ, डा. ज्ञानेन्द्र शाह, नेपाल फेन्शिङ संघका महासचिव एवं कमिटीका कार्यकारी सचीव सुजनलाल श्रेष्ठ, नेपाल भारोत्तोलन संघका अध्यक्ष राम श्रेष्ठ बोस लगायत संघका पदाधिकारीहरुको उपस्थिति रहेको थियो ।

एसियाली सिनियर भारोत्तोलन च्याम्पियनसिपमा सहभागी हुन नेपाली भारोत्तोलन खेल टोली बुधबार उज्वेकिस्तानको तास्केन्त सहरमा प्रस्थान गर्ने भएको छ । नेपाल भारोत्तोलन संघका सदस्य राम सुन्दर श्रेष्ठ सुशनको व्यवस्थापनमा प्रशिक्षक जीवन गौतम र भारोत्तोलन खेलाडी सागर भण्डारीको टोली सो प्रतियोगिताको लागि जान लागेका हुन । सागर भण्डारी, १९औं एशियाडमा ३०३ केजीको भार वहन गरेर किर्तिमान राख्ने खेलाडी हुन् । फेब्रुअरी ३ देखि शुरु भएको उक्त प्रतियोगितामा भण्डारीले पुरुष १०९ केजी माथी तौल समुहमा फेब्रुअरी १० मा खेल्नेछन् ।

यसैगरी ३ सदस्यीय टोलीलाई मंगलबार नेपाल ओलम्पिक कमिटीले विदाइ कार्यक्रम गरेको थियो । कार्यक्रममा ओलम्पिक कमिटीका अध्यक्ष तथा पूर्व मन्त्री जीवनराम श्रेष्ठले सफलताको शुभकामना सहित विदाइ गर्नुभयो । नेपाल ओलम्पिक कमिटीको सातदोबाटोस्थित मुख्यालयमा आयोजित सो कार्यक्रममा ओलम्पिक कमिटीका उपाध्यक्ष, कार्यकारिणी निर्देशक तथा टेबुल टेनिस संघका अध्यक्ष चतुरानन्द वैद्य, नेपाल फेन्शिङ संघका महासचिव एवं कमिटीका कार्यकारी सचीव सुजनलाल श्रेष्ठ, नेपाल भारोत्तोलन संघका अध्यक्ष राम श्रेष्ठ बोस लगायत संघका पदाधिकारीहरुको उपस्थिति रहेको थियो ।

भक्तपुर, पुस ९
माल्दिभ्समा भारत विरोधी अभियान चर्कँदैं गएको छ । त्यहाँका पूर्वराष्ट्रपति अब्दुल्लाह यामीनले नेतृत्व गरेको भारत विरोधी ‘इण्डिया आउट’ अर्थात ‘भारत फर्की’ अभियानमा स्थानीय सर्वसाधारणको सहभागिता बढेसँगै माल्दिभ्समा भारत विरोधी अभियान चर्कन थालेको हो । माल्दिभ्समा भारत विरोधी अभियान चर्कन थालेसँगै गत डिसेम्बर १९ मा त्यहाँको विदेश मन्त्रालयले एउटा वक्तव्य जारी गर्दै चिन्ता व्यक्त गरेको थियो ।
इण्डिया आउट अभियानमा विशेषगरी माल्दिभ्सबाट भारतीय सैनिक र उपकरण हटाउनु पर्ने माग भइरहेको छ । यो अभियानको शुरूवात सन् २०१८ मै भएको थियो । त्यसबेला तत्कालीन राष्ट्रपति यामीनले भारतलाई उसका दुईवटा हेलिकप्टर र एउटा डार्नियर विमान फिर्ता लैजान आग्रह गरेका थिए । ती हेलिकप्टर र विमान माल्दिभ्समा खोजी तथा उद्धार कार्यमा प्रयोग भइरहेका थिए । त्यतिबेला भारतले ती हेलिकप्टर र विमान फिर्ता नलगे त्यसका पाइलट भारतका नभई माल्दिभ्सको हुनुपर्ने तर्क गरेका थिए ।

गत डिसेम्बर ५ मा आइल्यान्ड उड्डयन सेवा लिमिटेडका पूर्वनिर्देशक मोहम्म आमीनले ट्वीट गरेः “भारतसँग एउटा डार्नियर लिनु कुनै समस्या होइन, तर हामी डार्नियरसँगै भारतीय सैनिकको तैनाथीको विरोधमा छौं । त्यसलाई उडाउन हामीसँग पर्याप्त अनुभव छ । ती हेलिकप्टरको दर्ता परिवर्तन गर्न पाउने विकल्प हुनुपर्छ। त्यसलाई फिर्ता गर्न पाउने अधिकार पनि हामीसँग हुनुपर्छ ।” यो विषयलाई लिएर त्यहाँका मानिसहरु सडकमा निस्के ।
भारतीय सैनिकहरू माल्दिभ्सबाट फर्कनुपर्ने प्रोग्रेसिभ पार्टी अफ माल्दिभ्स पीपीएम र उसँग जोडिएका दलहरूको माग रहेको छ । माल्दिभ्सका सांसद अहमद शियामले भारतको उत्तर प्रदेशका पूर्वमुख्यमन्त्री अखिलेश यादवको पत्रकार सम्मेलनको एउटा भिडिओबारे डिसेम्बर १९ मा ट्वीट गर्दै भन्नुभयो, “भारतको वर्तमान सरकारबाट हामी यो अपेक्षा कहिल्यै गर्न सक्दैनौँ कि उसले हाम्रो संविधान र आन्तरिक मामिलाको सम्मान गर्नेछ । किनभने उसले आफ्नै कानुन र नागरिकको सम्मान गर्दैन । खासगरी अल्पसंख्यकहरूको । हामी हाम्रो स्वतन्त्रता गुमाउन चाहन्नौँ ।”
माल्दिभ्सका पूर्वमन्त्री लुबना जाहिर ट्वीट गर्दै लेख्छ न, “म भारतीय व्यञ्जन, उत्पादन र औषधि निकै मन पराउँछु, तर आफ्नो भूमिमा भारतीय सैनिकलाई हैन ।” अर्का पूर्वमन्त्री अहमद तौफिक लेख्छन, “माल्दिभ्सका जनताले भारतीय सैनिकप्रति आफ्नो आक्रोश पोखिरहेका छन् ।”
सोही विषयमा गत सेप्टेम्बरमा माल्दिभ्सको सत्तारूढ दल माल्दिभ्स डेमोक्र्याटिक पार्टीको एउटा समूहले पनि मोटरसाइकल ¥याली निकालेको थियो ।
सन् २०१८ मा माल्दिभ्सका राष्ट्रपतिमा इब्राहिम सोलिह निर्वाचित भएयता देशको नीति भारतको पक्षमा रहिआएको बताइन्छ । सोलिहको नीति ‘इन्डिया फस्ट’ अर्थात् ‘पहिला भारत’ रहिआए पनि भारतले ‘इन्डिया ओनली’ अर्थात् ‘भारत मात्रै’ हुनुपर्नेमा दबाव दिँदै आएको छ ।
भारतका लागि माल्दिभ्स महत्वपूर्ण छिमेकी हो । भारतीय मुख्य भूभागदेखि माल्दिभ्स १,२०० किलोमिटर टाढा पर्छ । प्रतिकूल अवस्थामा माल्दिभ्सबाट भारतमाथि निगरानी गर्न चीनलाई सहज हुने विश्लेषकहरू बताउँछन् ।

Maldives Police Service has obstructed an opposition youth led motorcycle rally against the Indian military forces in the Maldives under the banner of “India Out”.

The motorcycle rally which was organized by the youth wing of the opposition alliance was scheduled for 1545 today. However, Maldives Police Service published a press release accusing the opposition youth wing of planning a riot amidst the planed “India Out” rally.

In their statement Maldives Police Service stated that the press release was on the subject of the motor rally organized by “PPM” and that the Maldives Police Service has received information that a riot was planned in the rally. They further stated that they believe that such riots are a “danger to a lot of people”. They affirmed in their press release that they would not allow for the motorcycle rally to proceed.

Media personality turned youth activist Abdulla Shaayan Shahid who played a key role in organizing the rally described the decision by the Maldives Police Service as an infringement on the right to freedom of expression. He stated that “This is unacceptable. We want to know what exact riot the police is saying that we have planned here. This is a peaceful rally, we want our voices to be heard, the world should know that we want Indian military in the Maldives to leave our country”.

One of the leading youth activists, Hussain Naais stated that the rally was obstructed at the advice of the new Indian High Commissioner in Maldives. “Most of us are students, this is a youth rally to voice against Indian military people in Maldives. I know why Police decided to obstruct us. New Indian high Commissioner is feeling the pressure now, the police is obstructing us following his advice. They are scared that their plans are being found out. Our voice is slowly being heard by the world. India cannot station their military here. And the police cannot continue to attack our right to freedom of expression.

Meanwhile opposition leader President Abdulla Yameen has embarked on a nationwide rally to strengthen the “India Out” campaign. As a part of the campaign a delegation led by President Abdulla Yameen has visited K.Huraa, K.Thulusdhoo and K. Guraidhoo.

भक्तपुर, भाद्र ३१
छिमेकी भारतका केही स्थानमा निपा भाइरसको संक्रमण देखा परेको विवरण सार्वजनिक भएसँगै नेपालमा पनि सावधानी अपनाउन सरकारले आग्रह गरेको छ ।
अहिलेसम्म नेपालमा कसैमा संक्रमण भएको पुष्टि भएको छैन । तर देशका ११८ अस्पताल र स्वास्थ्यसंस्थामा शंकास्पद बिरामीहरू देखिए बेलैमा जानकारी गराउन इपिडिमियोलोजी तथा रोग नियन्त्रण महाशाखाले आग्रह गरेको छ ।
भारतको केरलास्थित कोझिकोडेमा एक १२ वर्षे बालकको ज्यान गएपछि नेपालले पनि सतर्कता बढाइएको हो । बिज्नस स्ट्यान्डर्ड पत्रिकाका अनुसार भारतमा थप दुई जनामा निपा भाइरसको संक्रमण पुष्टि भएको छ ।
सन् २०१८ को मे महिनामा पनि केरलामा निपा भाइरसको संक्रमण पुष्टि भएको थियो । त्यस बेला त्यहाँ १७ जनाको उक्त भाइरसका कारण मृत्यु भएको थियो ।
निपा भाइरस के हो ?
एनआईभी भनिने निपा भाइरसको सङ्क्रमण तुलनात्मक रूपमा नयाँ किसिमको रोग हो । मन्त्रालयका अनुसार निपा भाइरस पशुबाट मानिसमा सर्छ र यसले गम्भीर प्रकृतिको रोग लाग्छ । उक्त भाइरस प्राकृतिक रूपमा ‘फ्रूट ब्याट’ जातको चमेरोमा पाइने बताइएको छ । मन्त्रालयका अनुसार निपा भाइरसले मस्तिष्कमा संक्रमण गराउँछ । सुरुमा यो भाइरसले श्वासप्रश्वाससम्बन्धी समस्या गराउँछ ।

भारतको पश्चिम बङ्गाल र बंगलादेशमा उक्त भाइरस देखा परिसकेको र पछिल्लो समय दक्षिण भारतको केरलामा भाइरस फेला परेसँगै नेपालमा पनि सतर्कता बढाइएको अधिकारीहरू बताउँछन् । भाइरस पशुपक्षीबाट मानिसमा सर्ने भएकाले यसलाई ‘जूनोटिक’ रोगको वर्गमा राखिएको छ ।
प्रायः सुँगुर, बङ्गुर र फलफूल खाने चमेरोमा संक्रमण भएपछि मानिसमा पनि सर्न सक्ने मन्त्रालयको भनाइ छ । यो भाइरस पशुबाट पशु, पशुबाट मानिस र मानिसबाट मानिसमा सर्न सक्छ । त्यसैले कोभिड महामारीमा जस्तै मास्क लगाउने जस्ता जनस्वास्थ्यका मापदण्ड महत्वपूर्ण मानिन्छ ।
संक्रमित जनावरको तरल पदार्थसँग संसर्गमा आएका जुनै उमेर समूहका मानिसलाई प्रभाव पर्ने बताइएको छ । भारतमा संक्रमण फैलाउने चमेरो नेपालमा पनि पाइने, सुँगुरपालन कृषकको रोजाइमा परेको व्यवसाय रहेको र मानिसबाट मानिसमा सर्न सक्ने हुँदा नेपाल जोखिममा रहेको डा. शेरबहादुर पुन बताउँछन ।
त्यसै कारण पनि नेपालमा भाइरस आउन सक्ने सम्भावना भएका ठाउँमा अहिल्यै सतर्कता अपनाउनुपर्ने विज्ञहरू बताउँछन ।
लक्षण के हुन ?
निपा भाइरसका लक्षणमा ज्वरो आउने, टाउको दुख्ने र मानिसहरू छिट्टै बेहोस जस्तो गराउने र एकदमै छिटो गम्भीर अवस्थामा भाइरसले पुर्याउन सक्ने इपिडिमियोलोजी तथा रोग नियन्त्रण महाशाखाका निर्देशक तथा स्वास्थ्य मन्त्रालयका प्रवक्ता डा. कृष्णप्रसाद पौडेल बताउँछन् ।
त्यसबाहेक रिँगटा लाग्ने, मांसपेशी दुख्ने, वाकवाकी लाग्ने, श्वासप्रश्वासमा कठिनाइ हुने र टन्सिलको सुजन पनि प्रमुख लक्षणमध्ये रहेको मन्त्रालयले जारी गरेको सूचनामा उल्लेख छ । भारतसँग नेपालको खुला सीमा रहेकाले यसको जोखिम नेपालमा रहेको बताइन्छ ।
यसको उपचार छ कि छैन ?
मन्त्रालयका अनुसार यो भाइरसको संक्रमणको निश्चित उपचार छैन । यो भाइरसविरुद्ध खोप पनि बनिसकेको छैन । तसर्थ यसबाट जोगिने कुरामा ध्यान दिनुपर्ने हुन्छ ।
भाइरसबाट बच्नका लागि बिरामी पशुपक्षीनजिक नजाने र पशुपक्षीसँगै काम गर्ने व्यक्तिहरू होसियार रहनुपर्ने हुन्छ । त्यस्तै तरकारी, माछामासु राम्रोसँग पकाएर र फलफूल राम्रोसँग पखालेर खानुपर्ने हुन्छ । सरसफाइमा पनि ध्यान दिनुपर्ने हुन्छ ।
गाईबस्तुका गोठ र फार्म सफा राख्ने, मासु काट्दा र पकाउँदा पन्जा र मास्कको प्रयोग गर्ने, सकेसम्म पानी उमालेर पिउने, बेलाबेलामा साबुन पानीले हात धुने र भिडभाडमा मास्क लगाउनाले भाइरसको रोकथाम गर्न सकिने मन्त्रालयले उल्लेख गरेको छ ।
कोभिड र निपा भाइरस कसरी छुट्टाउन सकिन्छ ?
प्रारम्भिक लक्षणले कोभिड वा निपा भाइरसमध्ये कुनबाट मानिसहरू संक्रमित भएका हुन भन्ने कुरा थाहा नहुन सक्ने अधिकारीहरू बताउँछन् । तर निपा भाइरसले मस्तिष्कमा असर गर्छ र मानिसहरू छिट्टै बेहोस हुने सम्भावना रहन्छ । यो भाइरस सरेपछि बिरामीले काम्ने गरेको पनि पाइएको छ ।
“कुन हो भनेर पत्ता लगाउने त फेरि पनि स्वास्थ्यकर्मी र अस्पतालहरूकै काम भयो,’’ पौडेलले भन्नुभयो, “सर्वसाधारणहरूलाई ज्वरो कम भएन, शरीर दुख्ने भयो, छिटै गम्भीर जस्तो अवस्था भयो भने छिटै अस्पताल जानुपर्यो ।’’

देशभरिका ११८ अस्पताल र स्वास्थ्यसंस्थालाई निदान गर्न गाह्रो छ भने नमुना संकलन गरेर राष्ट्रिय जनस्वास्थ्य प्रयोगशालामा पठाउन भनिएको उहाँले जानकारी दिनुभयो ।
नेपालमा यो भाइरसको परीक्षण गर्नका लागि आवश्यक पूर्वाधार राष्ट्रिय जनस्वास्थ्य प्रयोगशालामा मात्रै उपलब्ध रहेको सरकारी भनाइ छ । निपा भाइरस तीव्र गतिमा फैलिन सक्ने भनिए पनि कोभिडसँग तुलना गर्दा भने त्यो गति केही सुस्त रहेको डा. पुन बताउँछन् ।
“आजको मितिसम्म एकदमै धेरै सर्दै गएर भूगोल पनि पार गर्दै एक ठाउँबाट अर्को ठाउँमा गएको खासै देखिएको छैन । त्यो कारण कोरोनाभाइरसको तुलनामा आजको मितिसम्म सर्ने क्षमता देखिएको पुष्टि चाहिँ हुँदैन,” पुनले भन्नुभयो ।
नेपालका लागि निपा भाइरस कत्तिको चिन्ताको विषय हो ?
यद्यपि यसको प्रकोप चिन्ताको विषय भने रहेको पौडेल बताउँछन् । संक्रमित मानवबाट मानवमा भाइरस सर्न सक्ने हुँदा पनि सचेत रहनु जरुरी रहेको उनी बताउँछन् ।
“किनभने यसको मृत्युदर उच्च छ । संक्रमितमध्ये दुई जनामा एक जनाको मृत्यु हुन सक्छ । कुनै अध्ययनले त ७५ प्रतिशतसम्म मृत्यु हुनसक्ने भन्छ । त्यो भनेको उच्च हो,” उहाँले भन्नुभयो ।
संक्रमितको मृत्यु हुनसक्ने सम्भावनाबाहेक यो भाइरसले लामो समयसम्म स्वास्थ्यसम्बन्धी समस्या पनि पार्न सक्ने अध्ययनहरूले देखाएको डा. पुन बताउँछन् । भाइरसबाट संक्रमित भएका २० प्रतिशतमा पछिसम्म कुनै न कुनै किसिमको समस्या देखा पर्न सक्ने अध्ययनहरूले देखाएको उहाँको भनाइ छ । त्यसमा नसा सम्बन्धी समस्या पनि देखिने गरेको अनुसन्धानहरूले देखाएको उहाँले बताउनुभयो ।
स्रोत ः विश्व स्वास्थ्य सङ्गठन
बिबिसी नेपाली सेवाबाट साभार

एजेन्सी, भक्तपुर, भाद्र ११
अफगानिस्तानको राजधानी काबुलको हामिद कारजाई अन्तर्राष्ट्रिय विमानस्थल अगाडि बिहीबार साँझ भएको बम विस्फोट भएको छ । सो विस्फोटमा ज्यान गुमाउनेको संख्या ६० पुगेको छ । १ सय ६० जना घाइते भएका छन् ।
बिबिसीका अनुसार घटनामा हताहत हुनेको संख्या अझै बढ्न सक्ने छ । दुई ठूला विस्फोटका घटनामा चारजना अमेरिकी सैनिक सहित १३ अमेरिकी नागरिकको पनि मृत्यु भएको जनाएको छ । घटनापछि विमानस्थलबाट हुने सबै उडान बन्द गरिएको छ । अमेरिकी रक्षा मन्त्रालय पेन्टागनले आतंकवादी संगठन आईएसआईएसको खुरासनले हमला गरेको जनाएको छ ।
पहिलो विस्फोट विमानस्थलको गेटमा भएको थियो । त्यसपछि एयरपोर्ट नजिकै ब्यारन होटल क्षेत्रमा विस्फोट भएको थियो । जहाँ बेलायती सैनिक बस्दै आएका थिए ।
पेन्टागनका अनुसार एयरपोर्ट बाहिर तीन सन्दिग्ध देखिएका थिए । यिनमा दुईजना आत्मघाती आक्रमणकारी थिए । अर्का व्यक्ति भने बन्दुक बोकेर आएका थिए । तालिबानले यसलाई आतंकवादी हमला भनेको छ । विस्फोटपछि एयरपोर्टमा लगातार गोली चलेको थियो । एक अधिकारीले यस घटनामा कयौँ अफगानी नागरिक मारिएको बताएका छन् ।
यसअघि तालिबानले अमेरिकालाई चेतावनी दिँदै ३१ अगस्टसम्म देश छाडिसक्न भनेको थियो । अमेरिकाले पनि तोकिएको समय सीमामा हट्ने बताएको थियो । तर ह्वाइट हाउसले ३१ अगस्टपछि पनि उद्धार अभियान जारी राख्ने बताएको थियो ।

भक्तपुर, साउन ३१
अफगानिस्तानका राष्ट्रपति अशरफ गनीले देश छाडेका छन । तालिवान लडाकुहरुको समूह राजधानी काबुल प्रवेश गरेसँगै राष्ट्रपति गनीले देश छाडेको अफगानी अधिकारीहरुलाई उद्धृत गरिएका विवरणहरूका आधारमा बिबिसीले जनाएको छ । राष्ट्रपति गनीसँगै उपराष्ट्रपतिले पनि देश छाडेको अनुमान गरिएको छ ।
अफगानिस्तानमा दश दिनको अवधीमा प्रमुख शहर र प्रान्तिय राजधानीहरु तालिवानको कब्जामा पुगेको थियो । सोही कारण राष्ट्रपति गनीमाथि राजिनामाको दवाब बढेको थियो ।
बिबिसीका अनुसार राष्ट्रपति गनी कहाँ जाँदैछन भन्ने बारे स्पष्ट भएको छैन तर केही रिपोर्टहरूमा उहाँ छिमेकी देश ताजिकिस्तानतर्फ लागेको बताइएको छ ।

यसअघि त्यहाँको गृह मन्त्रालयले शान्तिपूर्ण रूपमा सत्ता हस्तान्तरण गर्न वार्ता भइरहेको जनाएको थियो । साथै तालिबान समूहले काबुलमा हिंसा नगर्न र बाहिरिन चाहनेलाई सुरक्षित रूपमा निस्कन दिन लडाकुहरूलाई निर्देशन दिएको थियो ।
उता अफगान राष्ट्रपतिको कार्यालयले आइतवार दिउँसो स्थिति नियन्त्रणमा भएको दाबी गरेको थियो । राष्ट्रपतिको कार्यालयले पाश्तो भाषामा गरेको ट्वीटमा लेखिएको छः “काबुलमा फाट्टफुट्ट गोली चलेको छ, काबुलमा आक्रमण भएको छैन । सहरको सुरक्षा सुनिश्चित गर्न देशका सुरक्षा र प्रतिरक्षा फौजहरू विदेशी साझेदारसँग मिलेर काम गरिरहेका छन्, स्थिति नियन्त्रणमा छ ।”
केही सातादेखि देशका अन्य भागमा हिंसा फैलिँदा भागेका हजारौँ अफगानहरूले काबुलमा शरण लिइराखेका छन् ।

तालिबानको तीव्र आरोह
एप्रिलः अमेरिकी राष्ट्रपतिद्वारा अफगानिस्तानबाट आफ्नो सेना बाहिरिने घोषणा । मे महिनाबाट सुरु भएर सेप्टेम्बरसम्ममा सकिने लक्ष्य राखिएको उक्त प्रक्रियाले अमेरिकाको सबैभन्दा लामो युद्ध समापन गराउने बताइएको थियो ।
मेः तालिबानद्वारा दक्षिणी हेलमन्द प्रान्तमा भीषण आक्रमण । अन्य प्रान्तमा पनि आक्रमणको सुरुवात ।
जुनः तालिबानले ३७० मध्ये ५० भन्दा बढी जिल्ला नियन्त्रणमा लिएको अफगानिस्तानका लागि संयुक्त राष्ट्रसङ्घका विशेष दूतको भनाइ । उत्तरी भागमा तालिबानको शृङ्लाबद्ध आक्रमण ।
२१ जुलाईः एक वरिष्ठ अमेरिकी जेनरलका अनुसार लगभग आधा जिल्लाहरू तालिबानको नियन्त्रणमा ।
६ अगस्टः लडाकु समूहद्वारा जारान्ज कब्जा, तालिबानको पकडमा गएको पहिलो प्रान्तीय राजधानी ।
१३ अगस्टः दोस्रो ठूलो सहर कान्दहारसहित अन्य चार प्रान्तीय राजधानी तालिबानको नियन्त्रणमा ।
१४ अगस्टः उत्तरी सहर मजार–ए–शरिफमाथि तालिबानको कब्जा ।
१५ अगस्टः युद्धबिनै प्रमुख पूर्वी सहर जलालाबाद तालिबानको कब्जामा ।
बिबिसीको सहयोगमा

भक्तपुर, असार ३
कोरोना भाइरसको महामारीले आक्रान्त बनाएको भारतमा दोस्रो लहरको कोरोना संक्रमणका क्रममा ७ सय ३० जना चिकित्सकको मृत्यु भएको भारतीय मेडिकल एसोसिएशन (आईएमए)ले जनाएको छ । आईएमएका अनुसार ठूलो संख्यामा अन्य स्वास्थ्यकर्मी प्रभावित भएका छन् ।
राजधानी दिल्लीमा १०९ जना चिकित्सकको मृत्यु भएको आईएमएले बताए । कोरोनाको दोस्रो लहरमा सबैभन्दा धेरै बिहारमा १ सय १५ जना डाक्टरको मृत्यु भएको छ । सार्वजनिक तथ्यांकअनुसार उत्तर प्रदेशमा ७९, पश्चिम बंगालमा ६२, राजस्थानमा ४३, झारखण्डमा ३९ तथा आन्ध्र प्रदेशमा ३८ डाक्टरको मृत्यु भएको छ ।
यसैबीच पछिल्लो २४ घण्टामा भारतमा ६७ हजार २ सय ९४ जनामा कोरोना संक्रमण पुष्टि भएको छ । पछिल्ला केही दिनयता लगातार संक्रमितको संख्या घटिरहेको भारतमा पछिल्लो २४ घण्टामा फेरि संक्रमितको संख्या बढेको हो । यस्तै पछिल्लो २४ घण्टामा भारतमा १४ सय ७० जनाको मृत्यु भएको छ ।