छोरीलाई यौन दुव्र्यबहार गरेको अभियोगमा बाबु पक्राउ

भक्तपुर, असार १९
छोरीलाई यौन दुव्र्यबहार गरेको अभियोगमा भक्तपुरमा एक बाबुलाई प्रहरीले पक्राउ गरेको छ । चाँगुनारायण नगरपालिका–८ सुडालमा डेरा गरी बस्ने १५ वर्षिया छोरीलाई यौन दुव्र्यबहार गरेको अभियोगमा ३१ वर्षिय बाबुलाई प्रहरीले बिहिवार पक्राउ गरेको हो ।
पिडित बालिकाका अनुसार ती बाबुले गत जेठ १० गते घरमा कोही नभएको मौका पारी संबेदनशिल अंगमा छुने, समाउने कार्य गरेको थियो । त्यसपछिका दिनमा पनि एकान्तमा भेट्ने बित्तिकै सोही किसिमको हर्कत गर्न थालेपछि पिडित बालिकाले बिहिवार संरक्षकको रोहबरमा बाल यौन दुरुपयोग कसुरमा किटानी जाहेरी दरखास्त दिएको महानगरिय प्रहरी परिसर भक्तपुरका सूचना अधिकारी प्रहरी नायव उपरिक्षक दिपक गिरीले बताउनुभयो ।
‘सोही आधारमा ती बाबुलाई पक्राउ गरिएको हो,’ प्रनाउ गिरीले भन्नुभयो । पक्राउ परेका बाबुलाई भक्तपुर जिल्ला अदालतबाट बाल यौन दुरुपयोग कसुरमा थप अनुसन्धान गर्न पाँच दिनको म्याद थप भएको जानकारी गिरीले दिनुभयो ।