वक्तृत्वकला प्रतियोगितामा अमिनिटी स्कुलकी देउता प्रथम

भक्तपुर, माघ १६
शहिद दिवसको अवसरमा नीजि तथा आवासिय विद्यालय अर्गनाइजेसन नेपाल (प्याव्सन) मध्यपुर नगर समितिले बुधवार आयोजित मध्यपुर थिमि नगरस्तरीय वक्तृत्वकला प्रतियोगितामा अमिनिटी सेकेण्डरी स्कुलकी छात्रा देउता कोइराला प्रथम हुनुभएको छ ।
‘न्याय र स्वतन्त्रता प्राप्तीमा शहिदहरुको संघर्ष’ बिषयक उक्त वक्तृत्वकला प्रतियोगितामा नवरत्न लाईफ स्कुलकी वितिषा मानन्धर दिद्धिय हुनुभयो । प्रतियोगितामा दिव्य दिप ज्योती ईङ्गलिस स्कुलकी सन्भी भुसाल तृतिय र जनप्रेमी वल्र्ड स्कुलकी आम्सीका खड्काले सान्त्वना स्थान हासिल गरेको प्याव्सन मध्यपुर थिमि नगरसमितिका अध्यक्ष सुमन बस्नेतले बताउनुभयो ।

प्रतियोगितामा मध्यपुर थिमि नगरभित्रका विभिन्न विद्यालयका २५ जना छात्रछात्राहरुको सहभागिता रहेको थियो । प्रतियोगितामा विजयी विद्यार्थीहरुलाई प्याव्सन भक्तपुरका अध्यक्ष राजन कसपालले ट्रफी, मेडल र प्रमाणपत्र वितरण गर्नुभयो ।
विद्यार्थीहरुलाई पढाईका साथै अतिरिक्त क्रियाकलापमा पनि सक्रिय बनाउने र कितावी ज्ञानलाई व्यवहारमा उतार्ने कला विकासको लागि प्रतियोगिता आयोजना गरेको प्याव्सन मध्यपुर थिमिका अध्यक्ष बस्नेतले बताउनुभयो ।