भक्तपुर जिल्ला खेलकुद विकास समितिको अध्यक्षमा राजु थापा नियुक्त

भक्तपुर, मंसिर २२
भक्तपुर जिल्ला खेलकुद विकास समितिको अध्यक्षमा राजु थापा नियुक्त हुनुभएको छ । बागमती प्रदेशको प्रदेश खेलकुद विकास परिषदले भक्तपुर कटुञ्जेका थापालाई गत बुधवार चार वर्षको लागि भक्तपुर अध्यक्ष नियुक्त गरेको हो ।
परिषदका सदस्य सचिव दिपक लामाले प्रदेश खेलकुद विकास ऐन, २०७५ को दफा १२ उपदफा (१) तथा प्रदेश खेलकुद विकास नियमावली, २०७६ (संशोधन सहित)को नियम (३), उप नियम १(क)मा भएको व्यवस्था बमोजिम थापालाई ४ वर्षको लागि समितिको अध्यक्ष नियुक्त गरेको हो ।
थापाले आइतवार दिउँसो जिल्ला प्रशासन कार्यालय भक्तपुरको प्रांगणमा रहेको समितिको कार्यालयमा पदभार ग्रहण गर्ने कार्यक्रम रहेको जनाएको छ ।