मध्यपुरका रोहनसहित साफ यु–२० च्याम्पियनसिपका लागि नेपाली टोलीको घोषणा

भक्तपुर, साउन २७
अखिल नेपाल फुटबल संघ (एन्फा)ले साफ यु–२० च्याम्पियनसिपका लागि नेपाली फुटबल टोलीको घोषणा गरेको छ । काठमाण्डौंमा आगामी भदौ २ गतेदेखी शुरु हुने च्याम्पियनसिपका लागि एन्फाले मध्यपुर थिमिका रोहन खड्गीसहित शनिवार २३ सदस्यीय युवा टोलीको घोषणा गरेको हो ।
घोषित नेपाली टोलीमा जियारथ शेख( गोलकिपर ), कृषल मोक्तान (गोलकिपर), विशाल केसी, सिमान्त थापा, अश्विन घोरा, सैनीबिक्रम तामाङ, आयुष तिम्सिना, मदन पौडेल, राम थापा, समिन घिमिरे, सरोज दर्लामी, निन्साङ लिम्बु, कुशल देउवा, अविनाश स्याङ्तान, जन प्रकाश बम, लचु थापा, निरज कार्की, हरिश राज भट्ट, धर्बेन्द्र कुँवर, अनिल बम्जन, समिर तामाङ, निराजन धामी र रोहन खड्गी रहेका छन ।
प्रतियोगितामा ६ राष्ट्रको सहभागिता रहेको छ । ६ राष्ट्रलाई २ समूहमा विभाजन गरिएको छ । समूह ए मा नेपाल सहित बंगलादेश र श्रीलंका रहेका छन् । समुह बी मा भारत, माल्दिभ्स र भुटान रहेका छन् । नेपाल र श्रीलंकाले उद्घाटन खेलमा प्रतिस्पर्धा गर्नेछन् ।