लागूऔषधसहित पाँच जना पक्राउ

भक्तपुर, जेठ १
लागूऔषधसहित प्रहरीले बुधवार पाँच जनालाई पक्राउ गरेको छ । उनीहरुलाई महानगरीय प्रहरी वृत्त थिमिबाट खटिएको प्रहरी टोलीले मध्यपुर थिमि–९, बोदेबाट पक्राउ गरेको हो ।
पक्राउ पर्नेहरुमा खोटाङ ऐसेलुखर्क गाउँपालिका–८ घर भई हाल भक्तपुर बोदे बस्ने २५ वर्षिय स्वदेश राई, काभ्रेपलाञ्चोकको रोशी गाउँपालिका घर भई हाल बोदे निलबाराही बस्ने २९ वर्षिय छिरीङ लामा, मध्यपुर थिमि नगरपालिका–९, बोदे बस्ने २५ वर्षिय अमिर बस्नेत, मध्यपुर थिमि नगरपालिका–७ धुन्चेपाखा बस्ने २१ वर्षिय नेस्नल भन्ने सम्राट राई र सिन्धुपाल्चोक लिशंखुपाखर गाउँपालिका–३ घर भई हाल काठमाण्डौ कागेश्वरी मनोहरा बस्ने २७ वर्षिय विकास लामा रहेका छन ।
उनीहरुलाई मध्यपुर थिमिको बोदे बस्ने स्वदेश राईको डेरा कोठाबाट पक्राउ गरिएको जिल्ला प्रहरी परिसर भक्तपुरका सूचना अधिकारी प्रहरी नायव उपरीक्षक (डिएसपी) ढुण्डीराज नेउपानले बताउनुभयो ।
प्रहरीले उनीहरुको साथबाट लागूऔषध इपेस्पेन ४५० पिस, ट्रामाडोल १८० पिस, स्टेगा १७३ पिस, पोलाण्ड ४६६ पिस, नगद ५ हजार र मोवाइल ३ थान बरामद गरेको जनाएको छ । सो सम्बन्धमा लागूऔषध कसुरमा थप अनुसन्धान कार्य भईरहेको डिएसपी नेउपानले बताउनुभयो ।