भक्तपुरमा सन्ध्या आरतीको थालनी

भक्तपुर । सूर्यविनायक नगरपालिका वडा नम्वर ३ र ४ को सिमानामा रहेको शिव तथा सरस्वती मन्दिरमा सन्ध्या आरती थालनी गरिएको छ ।

शिव तथा सरस्वती सेवा समितिले पशुपती नाथमा जस्तै सन्ध्या आरतीको थालनी गरेको हो ।

भगवान शिवको महिमा सहित भजन एवं पशुपतीनाथमा सन्ध्या आरती थालनी कर्ताहरुको सल्लाहमा नै आफूहरुले पशुपतीमा जस्तै सन्ध्या आरती गर्न लागेको संस्थाका अध्यक्ष कृष्ण वहादुर खत्रीले जानकारी दिनुभयो ।

पशुपती क्षेत्र विकास कोषका पूर्व सदस्य सचिव तथा वागमती गंगा आरतीका संरक्षक डा गोविन्द टण्डनको प्रमुख आतिथ्यतामा भक्तपुरमा पहिलो सन्ध्या आरती थालनी गरिएको थियो । आरती थालनी गर्दै उहाँले हरेक चोक एवं मन्दिर तथा गंगा अर्थात नदीहरुमा गंगा आरतीको थालनी गर्नु पर्ने बताउनुभयो । उहाँले हामीले यसरी नै विभिन्न मठ मन्दिरमा आरातीको थालनी गर्नु भनेको हामीले भावी पुस्ताका लागि पाठ एवं धार्मिक संहिस्णुता कायम हुने बताउनुभयो ।

कुनै समय फोहर फल्ने ठाउँका रुपमा रहेको उक्त स्थानमा हाल दर्जन भन्दा बढी देवी देवताका मूर्ती स्थापना गर्दै किरिया पुत्री भवनको तथा किरिया गर्ने प्रवन्ध समेत मिलाई कार्य गर्दै आएको शिव तथा सरस्वती सेवा समितिका अध्यक्ष कृष्ण वहादुर खत्रीले जानकारी दिनुभयो । हामीले यो पहिलो शिव तथा सरस्वती आरती गरेका छौं यसलाई निरन्तरता दिदै महिनाको एक पटक आराती गर्दै लैजाने सोचका साथ कार्य गरेको जानकारी दिनुभयो । सन्ध्या आरती खर्चिलो तथा समय लाग्ने कार्य भएका कारण यसमा सहयोग गर्न समेत उहाँले सम्पूणमा आग्र्रह गर्नुभएको थियो ।

पहिलो आरतीको एसपी ज्ञानेन्द्र राईले प्रयोजन गरी सहयोग गर्नुभएको थियो ।

कार्यक्रममा राजन खतिवडाले विभिन्न शिव महिमाका भजन तथा आरती भजन उच्चारण गर्नुभएको थियो भने उहाँलाई बाँसुरीमा दुर्गा प्रसाद खतिवडा र तवला करण ढकालले साथ दिनुभएको थियो ।

सस्थाका सल्लाहकार सानुकाजी खनाल, भक्तवहादुर विष्ट,वावुराम पौडेल,चन्द्रदेवी श्रेष्ठ, डी वी लिम्वु लगाएतका महानुभावको उपस्थिती रहेको थियो ।