भक्तपुरको सुडालमा बालकुमारी मन्दिर निर्माणार्थ विराट ज्ञान महायज्ञ हुने

भक्तपुर, पुस २८
भक्तपुरको सुडालमा श्रीमद्भागवत धनधान्याञ्चल विराट ज्ञान महायज्ञ हुने भएको छ । चाँगुनारायण नगरपालिका वडा नं. ८ सुडालमा अवस्थित बालकुमारी मन्दिर निर्माणका लागि महायज्ञ हुन लागेको हो । ऐतिहासिक र धार्मिक महत्वको उक्त मन्दिरको पुनःनिर्माणका लागि गरिने महायज्ञ यही माघको ५ गतेबाट शुरू हुने आयोजकले जनाएको छ ।
महायज्ञका लागि श्रीमद्भागवत धनधान्याञ्चल बालकुमारी विराट ज्ञान महायज्ञ तथा श्रृङ्गारिक महाआरती मूल समारोह समिति गठन गरिएको छ । सो समितिका अध्यक्ष तिर्थराज घोरसाइनेले शक्तिरुपिणी माता बालकुमारी देवीको मन्दिर निर्माण गर्ने उद्देश्य राखी आयोजना गरिने महायज्ञमा पण्डित विजय सिग्देलले कथा वाचन गर्ने जानकारी दिनुभयो ।
माघ १३ गतेसम्म सञ्चालन हुने उक्त महायज्ञमा संगीतमय कथावाचन, भजन कीर्तन, देवलीला, झाँकी, तुलादान, धान्यञ्चल, तण्डुलाचल एवम् शान्ति कलश पूजनलगायतका कार्यक्रम रहेको घोरसाइनेले बताउनुभयो ।
चाँगुनारायण नगरपालिकाको समेत समन्वयमा हुने महायज्ञले नगरकोट भ्रमण वर्ष–२०८२ को प्रचार प्रसारमा समेत सहयोग पुग्ने उहाँले बताउनुभयो ।
महायज्ञ सफल बनाउन गठित समितिको उपाध्यक्ष केशवप्रसाद तिमल्सिना, सचिब साधुराम घोरसाइने, कोषाध्यक्ष शुसिला घिमिरे, र सहसचिबमा नबिन कार्की रहेका छन् ।
यस्तै सदस्यहरूमा लक्ष्मण थापा, रामबहादुर थापा, राजकुमार कार्की, अर्जुन कार्की, भरत कार्की, कल्पना बिष्ट, शुमित्रा दाहाल, शुमित्रा घोरसाइने, महेन्द्रप्रसाद घोरसाइने, माधब प्रसाद घोरसाइने, गंगा प्रसाद अधिकारी, गंगाप्रसाद घोरसाइने, बाशुदेब घोरसाइने, रामशरण घोरसाइने, मनोज बुढाथोकी, धुर्व कार्की, राम कुमार कार्की, कृष्ण बानियाँ, सन्जिब बानियाँ , चिरन कार्की, रोशन तिमल्सिना, लोकनाथ दुलाल, रघुराम दुलाल, सन्तराम दुलाल, गोकर्ण फुयाल, जीवन दाहाल, राजु साखकर्मी, कृष्णा पियारी थापा कार्की, रन्जित रन्जिकार, बुद्द रन्जितकार, सन्तकुमार रन्जितकार, हिराकाजी रन्जितकार, सुकुराम रन्जितकार, सैलेन्द्र कुमार श्रेष्ठ, राजेश नेपाल, हरेराम दुलाल, श्यामप्रसाद घोरसाइने रहेका छन् ।