थिमिको साझा पेट्रोल पम्प अगाडि मोटरसाइकल दुर्घटना हुँदा एकको मृत्यु

भक्तपुर, असार २४
अरनिको राजमार्ग अन्तर्गत मध्यपुर थिमि–३, चारदोबाटोस्थित साझा पेट्रोल पम्प अगाडि मोटरसाइकल अनियन्त्रित भई दुर्घटना हुँदा एक जनाको मृत्यु भएको छ । काठमाण्डौंबाट भक्तपुरतर्फ आउँदैं गरेको बा ९३ प ९६५२ नं. मोटरसाईकल आफै अनियन्त्रित भई सडकको बाँया पट्टिको रेलिङमा ठोक्किँदा संखुवासभा चैनपुर घर भई हाल सिन्धुपाल्चोक बाह्रबिसे बस्ने ४३ वर्षिय प्रकाश भट्टराईको मृत्यु भएको हो ।
साँझ साढे ६ बजे भएको उक्त दुर्घटनामा घाईते भट्टराईलाई प्रहरीले उद्धार गरी उपचारका लागि मध्यपुर अस्पताल लगिएको थियो । भट्टराईको उपचारको क्रममा साँझ ७ बजे मृत्यु भएको महानगरिय प्रहरी परिसर भक्तपुरका सूचना अधिकारी प्रहरी नायव उपरिक्षक दिपक गिरीले बताउनुभयो । घटनाको सम्बन्धमा थप अनुसन्धान भइरहेको उहाँले बताउनुभयो ।