ईप्सन भक्तपुरको पाँचौं अधिवेशनले खड्का अध्यक्ष चयन

भक्तपुर, पुस २०
एडिफाई प्राईभेट स्कुल्स अर्गनाईजेशन नेपाल (ईप्सन भक्तपुर) को पाँचौं अधिवेशन शुक्रवार सम्पन्न भएको छ । भक्तपुर ११ वटा संस्थागत विद्यालय सदस्य रहेको ईप्सनको अधिवेशनले क्वालिटी अंग्रेजी माध्यमिक विद्यालयका संस्थापक प्रिन्सिपल जी.बी. खड्कालाई अध्यक्ष चयन गरेको छ ।
यस्तै उपाध्यक्षमा सुर्योदय सेकेण्डरी स्कुलमा प्रिन्सिपल विजय कर्माचार्य, सचिवमा पारिजात बिद्याकुञ्जका प्रिन्सिपल विक्रम थापा, सहसचिवमा ग्लोवल एकेडेमी का प्रिन्सिपल के. वी. ङाखुसी र कोषाध्यक्षमा हिमाल एकेडेमीका प्रिन्सिपल प्रदिप थापा चयन हुनुभएको छ ।
यसैगरी सदस्यमा मदरल्याण्ड ईङ्गिलस स्कुलका प्रिन्सिपल संजय खड्का, ईडेन गार्डेन ईङ्गिलस स्कुलका प्रिन्सिपल जयप्रकाश राई, सेन्ट जोन्स ईङ्गिलस स्कुलका प्रिन्सिपल देवदत्त भट्ट, विमल मेमोरियल विद्यापिठका प्रिन्सिपल कुमार थापा मगर, युनिटी ईङ्गिलस स्कुलका प्रिन्सिपल विपीन गुमाञ्जु र नगरकोट सनराईजका प्रिन्सिपल सुर्य घिसिङ्ग चयन हुनुभएको छ ।
एउटै पाठ्यक्रम तथा पाठ्यपुस्तक मार्फत पठनपाठन, संयुक्त परीक्षा सञ्चालन, शिक्षक सशक्तिकरण कार्यक्रम, विद्यार्थीहरुका लागि अतिरिक्त क्रियाकलाप लगायतका सञ्चालन गर्दै शैक्षिक उन्नयनमा अग्रसर यो संस्था वि.स. २०५७ मा स्थापना भएको हो ।
अधिवेशनले ईप्सनलाई सदस्य विद्यालयहरुको स्रोत केन्द्रका रुपमा अगाडी बढाउने, शिक्षक सशक्तिकरण कार्यक्रमलाई प्रभावकारी बनाउने र शिक्षक तथा विद्यार्थी विपद् कोष सञ्चालनलाई भावी योजनाका रुपमा अगाडी बढाउने योजना पारित गरेको नवनिर्वाचित अध्यक्ष खड्काले बताउनुभयो ।